Pushpa 2 : బుక్ మై షోలో పుష్ప 2 కొత్త ఆల్-టైమ్ రికార్డులు
ఈ వార్తాకథనం ఏంటి
ఐకాన్ స్టార్ అల్లు అర్జున్, నేషనల్ క్రష్ రష్మిక మందన్న జంటగా క్రియేటివ్ జీనియస్ సుకుమార్ దర్శకత్వంలో డిసెంబర్ 5న ప్రేక్షకుల ముందుకు వచ్చిన చిత్రం 'పుష్ప 2: ది రూల్'.
దేవిశ్రీ ప్రసాద్ సంగీతం అందించిన ఈ సినిమా భారీ బడ్జెట్‌తో మైత్రీ మూవీస్ నిర్మించింది.
విడుదలైన మొదటి రోజు నుంచే పుష్ప 2, వసూళ్లు, టికెట్ బుకింగ్స్ విషయాలలో సెన్సేషనల్ రికార్డులు క్రియేట్ చేసింది.
టికెటింగ్ యాప్ బుక్ మై షోలో పుష్ప 2 కొత్త ఆల్-టైమ్ రికార్డులు సృష్టించింది. ఇప్పటి వరకు అత్యధిక టికెట్స్ బుక్ అయిన సినిమాగా కన్నడ స్టార్ హీరో యష్ నటించిన KGF -2 17.01 మిలియన్ బుకింగ్స్‌తో టాప్ ప్లేస్‌లో ఉంది.
వివరాలు
18 మిలియన్ల బుకింగ్‌లు
అలాగే ప్రభాస్ బాహుబలి -2, RRR కూడా వరుసగా రెండవ, మూడవ స్థానాల్లో ఉన్నాయి.
అయితే, ఈ సినిమాలను అందరికంటే మించి పుష్ప 2 ఇప్పుడు నంబర్ 1 స్థాయికి చేరుకుంది.
డిసెంబర్ 5న విడుదలైన ఈ చిత్రం 17 రోజుల్లోనే 17.27 మిలియన్లు బుకింగ్‌లు సాధించి KGF -2ను వెనక్కి నెట్టి మొదటి స్థానాన్ని కైవసం చేసుకుంది.
మూడవ వీకెండ్‌లో అదనపు సూపర్ బుకింగ్స్‌తో 18 మిలియన్ల బుకింగ్‌లను అందుకొని తన రికార్డును మరింత పెంచుకున్న పుష్ప 2, ఇప్పుడు బ్రేక్ చేయలేని స్థాయిలో నిలిచింది.
ఈ సినిమాలో టికెట్ బుకింగ్‌ల విషయంలో సృష్టించిన రికార్డును ఏ సినిమా బ్రేక్ చేస్తుందో చూడాలి.