Pushpa 2: ఆంధ్రప్రదేశ్‌లో పుష్ప 2 అరుదైన రికార్డు.. అదేంటంటే..?
ఈ వార్తాకథనం ఏంటి
టాలీవుడ్ స్టార్ యాక్టర్ అల్లు అర్జున్ (Allu Arjun) ప్రధాన పాత్రలో నటిస్తున్న పాన్-ఇండియా చిత్రం పుష్ప 2: ది రూల్ (Pushpa 2: The Rule).
సుకుమార్ దర్శకత్వం వహిస్తున్న ఈ భారీ ప్రాజెక్టు 2024 డిసెంబర్ 5న ప్రపంచవ్యాప్తంగా గ్రాండ్‌గా విడుదలకు సిద్ధమవుతోంది.
విడుదల తేదీ దగ్గరపడుతున్న వేళ, ఈ సినిమా నుంచి వచ్చే ప్రతి అప్‌డేట్ నెట్టింట చర్చనీయాంశంగా మారుతోంది.
ఇప్పుడు, ఆంధ్రప్రదేశ్‌లో ఓ అరుదైన రికార్డు కోసం పుష్ప 2 కొత్తగా వార్తల్లోకెక్కుతోంది.
తాజా సమాచారం ప్రకారం, వైజాగ్‌లోని సంగం శరత్ థియేటర్ వద్ద అల్లు అర్జున్‌కు అభిమానులు ఒక భారీ కటౌట్‌ను ఏర్పాటు చేస్తున్నారు.
వివరాలు
ఆంధ్రప్రదేశ్ చరిత్రలోనే అతిపెద్ద కటౌట్
ఈ కటౌట్ 16×108 అడుగుల పొడవుతో ఉండేలా నిర్మిస్తున్నారు ఇది ఆంధ్రప్రదేశ్ చరిత్రలోనే అతిపెద్ద కటౌట్ కావడం విశేషం.
ఈ రికార్డు కటౌట్ అభిమానుల ఉత్సాహానికి ప్రతీకగా నిలవగా, దాన్ని చూడటానికి వీక్షకులు ఆసక్తిగా ఎదురుచూస్తున్నారు.
సీక్వెల్‌లో కన్నడ భామ రష్మిక మందన్న మరోసారి శ్రీవల్లి పాత్రలో మెరవనుంది.
అలానే, ఫహద్ ఫాసిల్,జగదీష్ ప్రతాప్ బండారి, జగపతిబాబు,ప్రకాశ్ రాజ్,సునీల్,అనసూయ భరద్వాజ్,రావు రమేశ్,ధనంజయ,షణ్ముఖ్,అజయ్, శ్రీతేజ్ వంటి ప్రముఖ నటులు కీలక పాత్రల్లో కనిపించనున్నారు.
మైత్రీ మూవీ మేకర్స్ నిర్మాణంలో రూపొందుతున్న ఈ చిత్రానికి రాక్‌స్టార్ దేవీ శ్రీ ప్రసాద్ సంగీతం, బ్యాక్‌గ్రౌండ్ స్కోర్ అందిస్తున్నారు.
ఈచిత్రం పట్ల నెలకొన్న అంచనాలు మామూలుగా లేవు,అల్లు అర్జున్ అభిమానులు ఇప్పటికే విడుదల కోసం ఆసక్తిగా ఎదురు చూస్తున్నారు.