ANR Award: అమితాబ్ చేతులమీదుగా ఏఎన్నార్ అవార్డు పొందటం గర్వంగా ఉంది.. చిరంజీవి
ఈ వార్తాకథనం ఏంటి
అమితాబ్ బచ్చన్ తన చేతుల మీదుగా చిరంజీవికి ఏఎన్నార్ అవార్డు అందించడం తనకు గొప్ప గౌరవంగా భావిస్తున్నట్లు తెలిపారు. సోమవారం అన్నపూర్ణ స్టూడియోలో జరిగిన 'ఏఎన్నార్ జాతీయ అవార్డు' వేడుకకు ముఖ్య అతిథిగా హాజరైన అమితాబ్, ఈ విషయాన్ని సోషల్ మీడియా ద్వారా పంచుకున్నారు. ఆయన చిరంజీవి, నాగార్జునలతో దిగిన ఫోటోను పంచుకుంటూ, "ఏఎన్నార్ శతజయంతి సందర్భంగా, అక్కినేని కుటుంబం, పరిశ్రమకు చెందిన వ్యక్తిగా ఆయనకు నివాళులర్పించడం గౌరవంగా ఉందన్నారు. ఈ సత్కారంలో తనను భాగం చేసినందుకు నాగార్జునకు ధన్యవాదాలు అని, అలాగే చిరంజీవికి తన చేతుల మీదుగా ఈ అవార్డును అందించడం తన జీవితంలో ప్రత్యేక గౌరవంగా భావిస్తున్నానని పేర్కొన్నారు.
Details
అమితాబ్ పాదాలకు నమస్కారం చేసిన చిరంజీవి
ఈ సందర్భంగా చిరంజీవి కూడా తన అనుభవాన్ని పంచుకున్నారు. అక్కినేని నాగేశ్వరరావు శతజయంతి సందర్భంగా ఆయన పేరిట ఇచ్చే ప్రతిష్టాత్మక 'ఏఎన్నార్ జాతీయ అవార్డు' అందుకోవడం సంతృప్తిని ఇచ్చిందన్నారు. తన గురువు అమితాబ్ చేతుల మీదుగా అందుకోవడం మరింత ఆనందాన్నిచ్చిందన్నారు. అవార్డు అందుకున్న సమయంలో అమితాబ్ పాదాలకు నమస్కారం చేసిన వీడియో ప్రస్తుతం సోషల్ మీడియాలో వైరల్‌గా మారింది.