బేబి సినిమా ఓటీటీ రిలీజ్ డేట్ ప్రకటన వచ్చేస్తుంది: అనౌన్స్ మెంట్ ఎప్పుడు రానుందంటే?
ఆనంద్ దేవరకొండ, వైష్ణవి చైతన్య, విరాజ్ అశ్విన్ నటించిన బేబి సినిమా ఎంత పెద్ద విజయం అందుకుందో చెప్పాల్సిన పనిలేదు. చిన్న సినిమాగా విడుదలై బాక్సాఫీసు వద్ద కలెక్షన్ల సునామీ సృష్టించింది. థియేటర్లను షేక్ చేసిన బేబి చిత్రం ఇప్పుడు ఓటీటీ విడుదలకు సిద్ధమవుతోంది. ఈ మేరకు ఆహా నుండి అప్డేట్ వచ్చేసింది. బేబి సినిమా ఆహాలోకి వచ్చేస్తుందని గతంలోనే ప్రకటించినప్పటికీ, ఎప్పుడు రిలీజ్ కానుందనే విషయంలో ఈరోజు అప్డేట్ ఇచ్చారు. ఆహాలో బేబి సినిమా ఎప్పటి నుండి అందుబాటులో ఉండనుందనేది రేపు ప్రకటిస్తామని ఆహా టీమ్ వెల్లడి చేసింది. ఈ మేరకు బేబి సినిమాలో మాదిరిగా ఆటో వెనకాల కొటేషన్ రాసి మరీ అప్డేట్ ఇచ్చారు.