శ్రీలీల సరసన హీరోగా చేస్తానంటే బాలయ్యకు వార్నింగ్ ఇచ్చిన మోక్షజ్ఞ
బాలకృష్ణ హీరోగా అనిల్ రావిపూడి దర్శకత్వంలో తెరకెక్కిన చిత్రం భగవంత్ కేసరి. తాజాగా ఈ చిత్ర ట్రైలర్ విడుదలైంది. వరంగల్ వేదికగా ట్రైలర్ లాంచ్ ఈవెంట్ జరిగిన సంగతి తెలిసిందే. ఈ ఈవెంట్ కి దర్శకుడు అనిల్ రావిపూడి, బాలయ్య, కాజల్ అగర్వాల్, శ్రీలీల ఇంకా పలువురు సినిమా సెలబ్రిటీలు హాజరయ్యారు. ఈ ఈవెంట్ లో బాలయ్య మాట్లాడుతూ, ఈ సినిమా షూటింగ్ జరుగుతున్నంత సేపు శ్రీలీల తనను చిచ్చా అని పిలిచేదని బాలయ్య తెలిపారు. అయితే ఈ సినిమా తర్వాత శ్రీలీల హీరోయిన్ గా మరో సినిమా చేద్దామని అనుకున్నానని, ఆ విషయాన్ని తన భార్య, కొడుకుతో కూడా పంచుకున్నానని అన్నారు.
మోక్షజ్ఞ మాస్ వార్నింగ్
శ్రీలీలతో హీరోగా సినిమా చేస్తానని బాలయ్య చెప్పడంతో, కుర్ర హీరోను నేను రాబోతున్నానని ఇలాంటి టైంలో నువ్వు ఆవిడకు ఆఫర్ ఎలా ఇస్తావని, గ్రౌండ్ ఫ్లోర్ బలిసిందా డాడీ అంటూ మోక్షజ్ఞ అన్నారని బాలయ్య చెప్పుకొచ్చారు. ప్రస్తుతం బాలయ్య మాటలు ఇంటర్నెట్లో వైరల్ గా మారాయి. అదలా ఉంచితే భగవంత్ కేసరి ట్రైలర్ కి ప్రేక్షకుల నుండి మంచి రెస్పాన్స్ వస్తోంది. ఈ సినిమాలో బాలయ్యను సరికొత్తగా చూడబోతున్నామని ట్రైలర్ చూస్తే అర్థమవుతుంది. షైన్ స్క్రీన్స్ బ్యానర్లో రూపొందుతున్న భగవంత్ కేసరి చిత్రాన్ని సాహు గారపాటి హరీష్ పెద్ది నిర్మించారు. దసరా కానుకగా అక్టోబర్ 19వ తేదీన భగవంత్ కేసరి థియేటర్లలో రిలీజ్ అవుతుంది.
