Bhumi Pednekar : ప్రపంచ సదస్సులో మెరిసిన భూమి పెడ్నేకర్.. భారతీయ మహిళాగా తొలి గుర్తింపు!
ఈ వార్తాకథనం ఏంటి
బాలీవుడ్ నటి భూమి పెడ్నేకర్ మరో అరుదైన ఘనత సాధించారు. స్విట్జర్లాండ్‌లోని జెనీవాలో జరిగిన ప్రతిష్టాత్మక యంగ్ గ్లోబల్ లీడర్స్ సమ్మిట్ 2025లో పాల్గొన్న తొలి భారతీయ నటి‌గా ఆమె చరిత్ర సృష్టించారు. ప్రపంచవ్యాప్తంగా వివిధ రంగాల్లో మార్పు కోసం కృషి చేస్తున్న ప్రతిభావంతులు ఈ సమ్మిట్‌లో చేరి, భవిష్యత్ తరాలకు మార్గదర్శకమైన ఆలోచనలు పంచుకున్నారు. సినిమాల్లో శక్తివంతమైన పాత్రలు పోషించి ప్రేక్షకులను ఆకట్టుకున్న భూమి, పర్యావరణ పరిరక్షణ, సామాజిక బాధ్యతల్లో తన కృషితో ప్రత్యేక గుర్తింపును సంపాదించారు. ఈ సమ్మిట్‌లో పాల్గొనడం ద్వారా ఆమె భారతీయ సినీ ప్రపంచానికి కొత్త గౌరవాన్ని తీసుకువచ్చారు.
Details
దల్దార్ వెబ్ సిరీస్ లో భూమి
ఈ సందర్భంగా భూమి పెడ్నేకర్ సోషల్ మీడియాలో తన ఆనందాన్ని వ్యక్తం చేస్తూ, *"ప్రపంచం ఎదుర్కొంటున్న సవాళ్లపై చర్చించే వేదికలో భాగమవడం నాకు గర్వకారణం. ఇది నాకు కొత్త ప్రేరణను అందించింద ని తెలిపారు. భూమి తన కెరీర్‌లో మరో కొత్త అధ్యాయాన్ని ఆరంభించబోతున్నారు. త్వరలోనే 'దల్దాల్' వెబ్ సిరీస్‌లో పోలీసు అధికారి పాత్రలో ప్రేక్షకుల ముందుకు రానున్నారు. ఈ ప్రయాణంతో భూమి కేవలం తెరపై నటి మాత్రమే కాకుండా, ప్రపంచ వేదికపై భారతీయ మహిళా శక్తి ప్రతీకగా నిలిచిన వ్యక్తిగా గుర్తింపు పొందారు.