2024 సంక్రాంతిని టార్గెట్ చేసుకుని రెడీ అవుతున్న సినిమాలివే
తెలుగు సినిమాల విడుదలకు సంక్రాంతిని మించిన పెద్ద పండగ మరొకటి లేదు. ప్రతీ ఒక్కరూ తమ సినిమాను సంక్రాంతికి విడుదల చేయాలని అనుకుంటారు. ఈసారి సంక్రాంతికి వాల్తేరు వీరయ్య, వీరసింహారెడ్డి సినిమాల మధ్య గట్టిపోటీ నడిచింది. అదలా ఉంచితే ప్రస్తుతం నెక్స్ట్ ఇయర్ సంక్రాంతి రిలీజ్ ల గురించి పెద్ద చర్చ నడుస్తోంది. 2024 సంక్రాంతికి రిలీజ్ అయ్యే సినిమాల సంఖ్య చాలా ఎక్కువగా ఉండనున్నట్లు తెలుస్తోంది. అల్లు అర్జున్ - సుకుమార్ కాంబినేషన్లో రూపొందుతున్న పుష్ప 2 సినిమాను సంక్రాంతికి రిలీజ్ చేయాలని ప్లాన్ చేస్తున్నారు. రామ్ చరణ్-శంకర్ కాంబినేషన్లో రూపొందుతున్న సినిమాను సంక్రాంతికి తీసుకొస్తానని దిల్ రాజు ఆల్రెడీ చెప్పేసారు. ఈ చిత్ర షూటింగ్ నెమ్మదిగా జరుగుతోంది.
2024 సంక్రాంతి కి వచ్చే ప్లాన్ లో ఉన్న మరికొన్ని సినిమాలు
పవర్ స్టార్ పవన్ కళ్యాణ్ చిత్రమైన ఉస్తాద్ భగత్ సింగ్ కూడా సంక్రాంతికి వచ్చేలా ఉంది. ఈ మధ్య ఆ చిత్ర దర్శకుడు హరీష్ శంకర్ మాట్లాడుతూ, అన్నీ కుదిరితే 2024 సంక్రాంతికి రిలీజ్ చేస్తామని చెప్పాడు. ఇక అనిల్ రావిపూడి దర్శకత్వంలో రూపొందుతున్న బాలయ్య 108వ మూవీని సంక్రాంతికి ప్లాన్ చేస్తున్నారు. అనిల్ రావిపూడికి సంక్రాంతి సెంటిమెంట్ ఉందన్న సంగతి తెలిసిందే. ఘోస్ట్ మూవీతో డిజాస్టర్ అందుకున్న నాగార్జున, ధమాకా రైటర్ బెజవాడ ప్రసన్న కుమార్ ని దర్శకుడిగా మారుస్తూ సినిమా చేస్తున్నాడు. దీన్ని కూడా సంక్రాంతికే అనుకుంటున్నారట. ఈ సినిమాలన్నీ ఇప్పుడిప్పుడే మొదలవుతున్నాయి కాబట్టి సంక్రాంతిలోగా ఎన్ని సినిమాలు రెడీగా ఉంటాయనేది ఎవ్వరూ చెప్పలేరు.
