బ్రో సినిమా నుండి సెకండ్ సాంగ్ వచ్చేస్తుంది: లాంచ్ ఎప్పుడంటే?
ఈ వార్తాకథనం ఏంటి
పవన్ కళ్యాణ్, సాయి ధరమ్ తేజ్ కలిసి నటిస్తున్న బ్రో నుండి ఇదివరకు మై డియర్ మార్కండేయ అనే పాట రిలీజ్ అయింది. ఈ పాటకు ప్రేక్షకుల నుండి మిశ్రమ స్పందన వచ్చింది.
కొందరు పాట బాగుందంటే మరికొందరు తమన్ పై విమర్శలు చేశారు. అదలా ఉంచితే, ప్రస్తుతం బ్రో సినిమా నుండి సెకండ్ సాంగ్ వచ్చేస్తోంది.
జాణవులే అనే పాట జులై 15వ తేదీన రిలీజ్ కాబోతోందని చిత్ర బృందం అధికారికంగా ప్రకటించింది.
తిరుపతిలోని ఎన్వీఆర్ జయశ్యామ్ థియేటర్లో పాట లాంచ్ కార్యక్రమం మధ్యాహ్నం 1నుండి మొదలవుతుందని తెలియజేశారు.
Details
శివుడిగా కనిపించనున్న పవన్ కళ్యాణ్?
బ్రో సినిమాలో పవన్ కళ్యాణ్ దేవుడిగా కనిపించనున్నారు. ఇదివరకు గోపాల గోపాల సినిమాలో కృష్ణుడిగా పవన్ కళ్యాణ్ నటించారు. బ్రో సినిమాలో శివుడిగా పవన్ కళ్యాణ్ కనిపించనున్నారని చెబుతున్నారు.
బ్రో సినిమా పోస్టర్లు, టీజర్ లో వినిపించిన డైలాగులు చూస్తుంటే కాలంతో సంబంధం ఉన్న కథలాగా బ్రో కనిపిస్తోంది.
తమిళంలో ఘనవిజయం సాధించిన వినోదయ సీతం సినిమాకు రీమేక్ గా బ్రో సినిమా తెరకెక్కింది. సముద్రఖని దర్శకత్వం వహించిన ఈ సినిమాకు స్క్రీన్ ప్లే, మాటలను త్రివిక్రమ్ అందించారు.
కేతికా శర్మ, ప్రియా ప్రకాష్ వారియర్ హీరోయిన్లుగా కనిపిస్తున్న ఈ చిత్రం, జులై 28వ తేదీన ప్రపంచవ్యాప్తంగా విడుదల అవుతుంది.