Chicken Song : చికెన్ పాట విన్నారా.. కోడికూర చిట్టిగారే రెస్టారెంట్ వేదికగా పాట రిలీజ్
టాలీవుడ్ పరిశ్రమలో సగిలేటి కథ చిత్రం నుంచి అదిరిపోయే అప్ డేట్ అందింది. ఈ మేరకు చికెన్ సాంగ్ విడుదలైంది. రవి మహాదాస్యం, విషిక లక్ష్మణ్‌ జంటగా తెరకెక్కుతున్న సినిమా 'సగిలేటి కథ. రాయలసీమ పల్లెటూరి కథాంశంలో సాగే ఈ సినిమాకు రాజశేఖర్‌ సుద్మూన్‌ దర్శకత్వం చేశారు. ఇప్పటికే ట్రైలర్ రిలీజై ప్రేక్షకులను మెప్పిస్తోంది. తాజాగా సగిలేటి కథ నుంచి చికెన్ సాంగ్ విడుదలై సినీ ప్రేక్షకులను ఆకట్టుకుంటోంది. మరోవైపు అక్టోబర్ 13న ఈ మూవీ థియేటర్లలో రిలీజ్ కానుంది. ఈ సినిమాలో ఈ పాట చాలా కీలకమని తెలుస్తోంది. దీంతో 'చికెన్' సాంగ్ ని కోడికూర చిట్టిగారే అనే రెస్టారెంట్ లో లాంచ్ చేయడం గమనార్హం.
