ఆర్ఆర్ఆర్ హీరోల హవా: బెస్ట్ యాక్టర్ నామినేషన్లలో టామ్ క్రూజ్, బ్రాడ్ పిట్ సరసన చోటు
ఈ వార్తాకథనం ఏంటి
ఆర్ఆర్ఆర్ హవా ఇంకా తగ్గలేదనడానికి నిదర్శనంగా ప్రతీరోజూ వస్తున్న ప్రశంసలు ఒక కారణమైతే, అవార్డ్ నామినేషన్లలో దూసుకుపోవడం రెండవ కారణం.
తాజాగా ఆర్ఆర్ఆర్ యాక్టర్లు, క్రిటిక్స్ ఛాయిస్ సూపర్ అవార్డ్స్ కు నామినేట్ అయ్యారు. బెస్ట్ యాక్టర్ విభాగంలో రామ్ చరణ్, ఎన్టీఆర్.. ఇద్దరూ నామినేట్ కావడం విశేషం.
ఈ నామినేషన్లలో మొత్తం 5 మెంబర్స్ ఉన్నారు. ఆర్ఆర్ఆర్ హీరోలతో పాటు టామ్ క్రూజ్, బ్రాడ్ పిట్, నికోలస్ కేజ్ ఉన్నారు. ఈ నేపథ్యంలో అటు నందమూరి అభిమానులు, ఇటు మెగా అభిమానులు ఆనందంలో ఉన్నారు.
ఈ అవార్డు, ఖచ్చితంగా ఆర్ఆర్ఆర్ హీరోలకే వస్తుందని అభిమానులు నమ్ముతున్నారు. హాలీవుడ్ స్టార్ల సరసన తమ హీరోలను చూసి మురిసిపోతున్నారు.
ఆర్ఆర్ఆర్
మార్చ్ 3వ తేదీన అమెరికాలో ఆర్ఆర్ఆర్ మరోసారి విడుదల
ఆర్ఆర్ఆర్ కు ప్రపంచవ్యాప్తంగా వస్తున్న ప్రశంసలు భారతీయులను గర్వపడేలా చేస్తున్నాయి. ఆర్ఆర్ఆర్ అవార్డుల ఖాతాలో హాలీవుడ్ క్రిటిక్స్ అసోసియేషన్ అవార్డులు చేరేలా కనిపిస్తున్నాయి.
ఇందులో నాలుగు నామినేషన్లు పొందింది ఆర్ఆర్ఆర్. ఫిబ్రవరి 24వ తేదీన ఈ అవార్డుల ప్రధానోత్సవం ఉంటుంది. ఈ కార్యక్రమానికి రామ్ చరణ్ ప్రత్యేక అతిధిగా హాజరవుతున్నాడు. అలాగే అవార్డు అందజేసే గౌరవాన్ని పొందుతున్నాడు.
అదలా ఉంటే, ఆస్కార్ అవార్డుల కంటే ముందే మరోసారి ఆర్ఆర్ఆర్ థియేటర్లలోకి రానుంది. మార్చ్ 3వ తేదీన థియేటర్లలోకి ఆర్ఆర్ఆర్ వస్తుందని వేరియంట్ ఫిలిమ్స్ ప్రకటించింది. ఈ మేరకు ట్రైలర్ కూడా రిలీజైంది.
ఈ రీ రిలీజ్ తో ఆర్ఆర్ఆర్ స్థాయి మరింత పెరుగుతుందనడంలో సందేహం లేదు.