ధనుష్, శేఖర్ కమ్ముల క్రేజీ అప్ డేట్.. షూటింగ్ ఎప్పట్నుంచి ప్రారంభం తెలుసా
తమిళ హిరో ధనుష్ టాలీవుడ్ చిత్రపరిశ్రమలో మార్కెట్ ను సంపాదించుకున్నాడు. ఇప్పటికే సర్ మూవీతో డైరెక్ట్ తెలుగు సినిమా చేశాడు. ఈ క్రమంలోనే త్వరలో తెలుగు హిట్ సినిమాల డైరెక్టర్ శేఖర్ కమ్ములాతో D51 (DANUSH 51) సినిమా చేసేందుకు సన్నద్ధం అవుతున్నాడు. ధనుష్, శేఖర్ కమ్ముల సినిమా ప్రకటన వచ్చి ఇప్పటికే చాలా కాలం అవుతోంది. అయితే ధనుష్ తాజా సినిమా పూజా కార్యక్రమాలు కూడా జరిగాయి. శ్రీ వెంకటేశ్వర సినిమాస్ ఎల్ఎల్.పీ బ్యానర్ పై ఆసియన్ సునీల్ ఈ చిత్రాన్ని నిర్మిస్తున్నారు. త్వరలోనే ధనుష్, శేఖర్ కాంబినేషన్ సినిమాని సెట్స్ పైకి ఎక్కించనున్నారని సమాచారం. ఈ సినిమా వచ్చే ఏడాది జనవరిలో ముంబై సహా ఇతర ప్రాంతాల్లో ప్రారంభించనున్నట్లు తెలుస్తోంది.
కీలక పాత్రలో కింగ్ నాగార్జన
రాకింగ్ మ్యూజిక్ దేవిశ్రీప్రసాద్ ఈ సినిమాకు సంగీతం సమకూర్చనున్నట్లు సమాచారం. ఈ మూవీ తెలుగు తమిళ్ హిందీ భాషల్లో ప్యాన్ ఇండియా రేంజ్ లో రిలీజ్ కానుంది. స్టార్ హీరో ధనుష్'ను' దర్శకుడు శేఖర్ కొత్తగా ఆవిష్కరింపజేయనున్నారని తెలుస్తోంది. ఈ సినిమాకు సంబంధించి మరో ముఖ్య విషయం ఏంటంటే, శేఖర్ కమ్ముల-ధనుష్ మూవీలో టాలీవుడ్ కింగ్ నాగార్జున కీలక పాత్ర పోషించనున్నారని సమాచారం. మరోవైపు నాగార్జున సైతం ఈ చిత్రానికి ఓకే చెప్పారని సినీ వర్గాల్లో ప్రచారం అవుతోంది. దీంతో సినిమాపై అంచనాలు భారీగా పెరిగాయి. గతంలో నాగార్జున, కార్తీ కాంబోలో ఊపిరి చిత్రం కాసుల వర్షం కురిపించకపోయినా కేథాంశం ఆధారంగా తెరకెక్కి ప్రేక్షకులను ఆకట్టుకోవడం గమనార్హం.
