డెడ్ పిక్సెల్స్ టీజర్: కొత్త సిరీస్ తో ఎంట్రీ ఇస్తున్న మెగా డాటర్ నీహారిక
ఈ వార్తాకథనం ఏంటి
మెగా బ్రదర్ నాగబాబు కూతురు నీహారిక, తాజాగా సినిమాల వైపు చూపు మరల్చింది. పెళ్ళయిన తర్వాత సినిమాల్లోనూ,సిరీస్ లలో కనిపించని నీహారిక, ప్రస్తుతం సరికొత్త సిరీస్ తో ముందుకు వస్తోంది.
డెడ్ పిక్సెల్స్ పేరుతో రూపొందుతున్న ఈ సిరీస్ టీజర్ రిలీజైంది. ఆన్ లైన్ గేమింగ్ నేపథ్యంలో సాగే ఈ సిరీస్ లో మెగా డాటర్ నీహారిక, గేమర్ గా కనిపించనుంది.
ఈ సిరీస్ లో నాలుగు ప్రధాన పాత్రలున్నాయని అర్థమవుతోంది. నీహారిక, వైవా హర్షా, అక్షయ్ లాగుసాని, సాయి రోనక్.. ఈ నలుగురూ గేమర్ లుగా కనిపించనున్నారు. 34సెకన్ల టీజర్ లో సిరీస్ గురించి పెద్ద విషయాలేవీ వెల్లడి కాలేదు.
Details
డిస్నీ ప్లస్ హాట్ స్టార్ లో స్ట్రీమింగ్
డెడ్ పిక్సెల్స్ సిరీస్ లో నీహారిక పాత్రకు ముందుగా గేమ్స్ అంటే పెద్దగా ఇష్టం లేనట్టు చూపించారు. ఆ తర్వాత తను కూడా గేమర్ గా మారుతుందని టీజర్ చూస్తే అర్థమవుతోంది.
డిస్నీ ప్లస్ హాట్ స్టార్ లో స్ట్రీమింగ్ కు సిద్ధమవుతున్న ఈ సిరీస్ ను బీబీసీ స్టూడియోస్ ప్రైవేట్ లిమిటేడ్, తమడా మీడియా సంయుక్తంగా నిర్మిస్తున్నాయి.
సమీర్ గొగాటే, సాయిదీప్ రెడ్డి బొర్రా, రాహుల్ తమడ నిర్మిస్తున్న ఈ చిత్రాన్ని అదిత్య మండల డైరెక్ట్ చేస్తున్నారు.
కీలక పాత్రల్లో రాజీవ్ కనకాల, జయశ్రీ రాచకొండ కనిపిస్తున్నారు.