Rc 16: RC16 పై బుచ్చిబాబు ఆసక్తికర కామెంట్‌.. ఆ అవసరం రాదు
ఈ వార్తాకథనం ఏంటి
రామ్ చరణ్ ప్రధానపాత్రలో, దర్శకుడు బుచ్చిబాబు తెరకెక్కిస్తున్న సినిమాపై అందరికీ తెలిసిందే.
ఈ చిత్రంలో జాన్వీ కపూర్ హీరోయిన్‌గా నటిస్తున్నారు. ప్రస్తుతానికి ఈ ప్రాజెక్ట్‌ RC 16 (వర్కింగ్ టైటిల్) అనే పేరుతో రూపొందుతోంది.
ఇటీవల, ప్రముఖ నటుడు బ్రహ్మాజీ కీలక పాత్రలో నటించిన 'బాపు' సినిమా ప్రీ రిలీజ్ ఈవెంట్ జరిగింది.
ఈ కార్యక్రమానికి దర్శకుడు బుచ్చిబాబు ముఖ్య అతిథిగా హాజరయ్యారు. ఈ సందర్భంగా రామ్ చరణ్ సినిమాపై ఆయన ఆసక్తికరమైన వ్యాఖ్యలు చేశారు.
వివరాలు
హిట్ గ్యారెంటీ
''మా నాన్న చాలా కష్టపడి మమ్మల్ని పెంచారు. ఆయన మా నుంచి భౌతికంగా దూరమైన సంవత్సరం పూర్తయింది. 'ఉప్పెన' సినిమా విడుదల సమయంలో ఆయన చేసిన ఓ పని ఇప్పటికీ గుర్తుంది. థియేటర్ గేట్ వద్ద నిలబడి 'సినిమా బాగుందా?' అని ప్రేక్షకులను అడిగేవారు. కానీ ఇప్పుడు నేను రామ్ చరణ్ సినిమా బాగుందా అని ఎవరినీ అడగాల్సిన అవసరం లేదు. ఎందుకంటే అది ఖచ్చితంగా హిట్ అవుతుంది!'' అని బుచ్చిబాబు ధీమాగా ప్రకటించారు.
ప్రస్తుతం ఈ వీడియోను అభిమానులు విపరీతంగా షేర్ చేస్తున్నారు.
ఇటీవల విడుదలైన 'గేమ్ ఛేంజర్' సినిమా ఆశించిన స్థాయిలో రాణించకపోవడంతో, రామ్ చరణ్ అభిమానులు RC 16 పై భారీ అంచనాలు పెట్టుకున్నారు.
వివరాలు
'బాపు' ప్రీ రిలీజ్ ఈవెంట్‌లో ప్రముఖుల వ్యాఖ్యలు
ఈ ఈవెంట్‌కు దర్శకుడు నాగ్ అశ్విన్ కూడా అతిథిగా హాజరయ్యారు.
ఆయన మాట్లాడుతూ - ''తెలుగు ప్రేక్షకులు చాలా మంచి వారు. వాళ్లు సినిమా బడ్జెట్‌ను పట్టించుకోరు, కథ బాగుంటే తప్పకుండా హిట్ చేస్తారు. ఈ సినిమా కూడా పెద్ద విజయం సాధించాలని కోరుకుంటున్నాను. తండ్రి అయిన తర్వాత కుటుంబ విలువలు మరింత అర్థమయ్యాయి'' అని అన్నారు.
అలానే, దర్శకుడు చందు మొండేటి మాట్లాడుతూ - ''చిన్న సినిమా, పెద్ద సినిమా అనేది లేదు. మంచి సినిమా ఏదైనా పెద్దదే! 'బాపు' సినిమా ఫిబ్రవరి 21న విడుదల కానుంది. ఇది మంచి విజయం సాధించాలని కోరుకుంటున్నాను'' అని అన్నారు.