Fahadh Faasil: ఫహాద్ ఫాజిల్ తండ్రి తెలుగులో తీసిన సినిమా బ్లాక్బస్టర్ హిట్.. అదేంటంటే..?
ఫహాద్ ఫాజిల్ హీరోగా పాన్‌ ఇండియన్ స్థాయిలో ప్రత్యేక గుర్తింపు సాధించాడు. మలయాళంలో వైవిధ్యమైన కథలను ఎంపిక చేసుకుంటూ వరుస విజయాలను అందుకుంటున్నాడు. మరోవైపు తెలుగు, తమిళ భాషల్లో స్టార్ హీరోల సినిమాల్లో విభిన్నమైన పాత్రలతో ప్రేక్షకులను ఆకట్టుకుంటున్నాడు.
పుష్ప 2లో ప్రతినాయకుడిగా...
తెలుగులో సుకుమార్ దర్శకత్వంలో రూపొందుతున్న పుష్ప 2 సినిమాలో ఫహాద్ ఫాజిల్ భైరవ్‌సింగ్ షెకావత్ అనే పోలీస్ పాత్రలో కనిపించనున్నాడు. ఈ మాస్ యాక్షన్ మూవీలో అతని విలన్ పాత్ర ప్రధాన ఆకర్షణగా నిలవనుంది. అదనంగా, రాజమౌళి తనయుడు ఎస్.ఎస్. కార్తికేయతో రెండు తెలుగు స్ట్రెయిట్ సినిమాలకు గ్రీన్ సిగ్నల్ ఇచ్చాడు. తమిళంలో వేట్టయాన్, విక్రమ్ వంటి హిట్ సినిమాలతో తన సత్తాను చాటాడు. ఫహాద్ మూడు భాషల్లో వరుస ప్రాజెక్టులతో బిజీగా కొనసాగుతున్నాడు.
అగ్రదర్శకుడి వారసత్వం...
ఫహాద్ ఫాజిల్ తండ్రి ఫాజిల్, 1980-90 దశకంలో మలయాళంలో అగ్రదర్శకుడిగా వెలుగొందాడు. మలయాళం, తమిళంలో పలు బ్లాక్బస్టర్ చిత్రాలకు దర్శకత్వం వహించాడు. ప్రత్యేకంగా, రజనీకాంత్ నటించిన చంద్రముఖి చిత్రానికి ప్రేరణగా నిలిచిన మలయాళ చిత్రం మ‌ణిచిత్ర‌తాజు ఫాజిల్ దర్శకత్వంలోనే రూపుదిద్దుకుంది. మమ్ముట్టి, మోహన్‌లాల్, విజయ్ వంటి అగ్రహీరోలతో ఫాజిల్ పలు విజయవంతమైన చిత్రాలను తెరకెక్కించాడు. తన 30 ఏళ్ల కెరీర్‌లో దాదాపు 30 సినిమాలకు దర్శకత్వం వహించి, పది పైగా చిత్రాలను నిర్మించాడు.
నాగార్జునతో 'కిల్లర్'...
ఫాజిల్ తన కెరీర్‌లో ఒక తెలుగు చిత్రానికి దర్శకత్వం వహించాడు. అదే నాగార్జున ప్రధాన పాత్రలో వచ్చిన కిల్లర్. 1992లో విడుదలైన ఈ యాక్షన్ థ్రిల్లర్, కమర్షియల్‌గా పెద్ద విజయాన్ని సాధించింది. ఇళయరాజా అందించిన సంగీతం ఆ సమయంలో ట్రెండ్‌సెట్టర్‌గా నిలిచింది. మొదట ఈ చిత్రాన్ని మలయాళంలో మోహన్‌లాల్‌తో చేయాలనుకున్న ఫాజిల్, కథలో నెగెటివ్ షేడ్స్ ఉండటంతో మోహన్‌లాల్ కిల్లర్ మూవీని చేయ‌డానికి వెన‌క‌డుగు వేశాడు., చివరకు నాగార్జునతో ఈ ప్రాజెక్ట్‌ను పూర్తి చేశాడు.
జగపతిబాబుతో అనుబంధం...
కిల్లర్ చిత్రాన్ని సీనియర్ నిర్మాత,టాలీవుడ్ సీనియర్ హీరో జ‌గ‌ప‌తిబాబు తండ్రి వీబీ రాజేంద్రప్రసాద్ నిర్మాతగా వ్యవహరించారు. ఇందులో నగ్మా కథానాయికగా నటించగా, శారద, బేబీ షామిలి ముఖ్య పాత్రలు పోషించారు. ఈ చిత్రం విజయంతో ఫాజిల్‌కు తెలుగు పరిశ్రమ నుంచి మరిన్ని అవకాశాలు వచ్చినా, తమిళం, మలయాళంలో బిజీగా ఉండటం వల్ల వాటిని పూర్తి చేయలేకపోయాడు.
