Happy Birthday Srinu Vaitla: తెలుగు ప్రేక్షకులు ఎప్పటికీ మర్చిపోని శ్రీను వైట్ల సినిమాలు ఇవే..
శ్రీను వైట్ల.. ఒకప్పుడు తెలుగులో నెంబర్ వన్ డైరెక్టర్. గత కొన్నేళ్లుగా సరైన విజయాలు లేక ఇబ్బంది పడుతున్నారు. శ్రీను వైట్ల సినిమాలంటే కామెడీ కచ్చితంగా ఉండాల్సిందే. యాక్షన్ ని, కామెడీని సమపాళ్లలో అందించే కొద్ది మంది దర్శకులలో శ్రీనువైట్ల నంబర్ వన్ స్థానంలో ఉంటారు. ఆదివారం శ్రీనువైట్ల పుట్టినరోజు.. ఈ సందర్భంగా శ్రీనువైట్ల దర్శకత్వం వహించిన సినిమాల్లో ఎప్పటికీ గుర్తుండిపోయే సినిమాల గురించి మాట్లాడుకుందాం. సొంతం ఆర్యన్ రాజేష్, నమిత హీరో హీరోయిన్లుగా కనిపించిన ఈ సినిమాలో సునీల్ కామెడీని ఎప్పటికీ మర్చిపోలేరు. చాలామంది ఈ సినిమాలోని సునీల్ కి సంబంధించిన సీన్లను యూట్యూబ్లో తరచుగా చూస్తూ ఉంటారు. ఇప్పటికీ మీమ్స్ లో ఈ సినిమాలోని సునీల్ సీన్స్ కనిపిస్తుంటాయి.
వెంకీ
మాస్ మహారాజ రవితేజ పూర్తి మాస్ క్యారెక్టర్ లో కనిపించిన చిత్రం వెంకీ. ఈ సినిమా పేరు చెప్పగానే అందరికీ ట్రైన్ సీక్వెన్స్ గుర్తొస్తుంది. దాదాపు అరగంట పాటు ఉండే ఈ సీక్వెన్స్ కి సెపరేట్ ఫ్యాన్ బేస్ ఉంది. ఢీ: మంచు విష్ణు, జెనీలియా జంటగా రూపొందిన ఈ సినిమా మంచు విష్ణు కెరియర్లో బ్లాక్ బస్టర్ గా నిలిచింది. ఈ సినిమాలో మంచు విష్ణు, శ్రీహరి మధ్య వచ్చే సీన్లు ప్రేక్షకులను ఎంతగానో అలరించాయి. ఢీ సినిమాకు సీక్వెల్ వస్తుందని కొన్ని రోజుల క్రితం వార్తలు వినిపించాయి. కానీ ఇప్పటివరకు ఆ విషయమై ఎలాంటి సమాచారం బయటకు రాలేదు.
దుబాయ్ శీను
రవితేజ హీరోగా నటించిన ఈ సినిమాలో నయనతార హీరోయిన్ గా కనిపించారు. ఈ సినిమాలో, రవితేజ గ్యాంగ్, కృష్ణ భగవాన్, బ్రహ్మానందం మధ్య వచ్చే సీన్లు ప్రేక్షకులను విపరీతంగా ఆకట్టుకున్నాయి. ఈ కాంబినేషన్లో వచ్చే సీన్లు పెట్టుకొని చూసేవారు చాలామంది ఉన్నారు. దూకుడు: మహేష్ బాబు కెరీర్ లో దూకుడు సినిమా సూపర్ సక్సెస్ అయ్యింది. ఇందులోని కామెడీ సీన్స్, పాటలు, యాక్షన్ సీన్స్ ప్రేక్షకులను ఎంతగానో అలరించాయి. ముఖ్యంగా బ్రహ్మానందం, మహేష్ బాబు మధ్య వచ్చే డైలాగ్స్ సీన్స్ బాగా పేలాయి. అయితే ఈ సినిమా తర్వాత శ్రీనువైట్లకు సరైన హిట్టు దక్కలేదు.
