Hari Hara Veera Mallu:'హరిహర వీరమల్లు' ట్రైలర్ సెన్సేషన్.. 24 గంటల్లో సాధించిన వ్యూస్ తెలుసా? ఇది సాధారణ రికార్డు కాదు..

వ్రాసిన వారు Sirish Praharaju

Jul 04, 2025

12:17 pm

ఈ వార్తాకథనం ఏంటి

పవర్ స్టార్ పవన్ కళ్యాణ్ ప్రధాన పాత్రలో నటిస్తున్న పీరియాడిక్ యాక్షన్ అడ్వెంచర్ చిత్రం 'హరిహర వీరమల్లు' త్వరలో ప్రేక్షకుల ముందుకు రాబోతోంది. జూలై 24న ఈ చిత్రం థియేటర్లలో విడుదల కానుండగా, విడుదల తేదీ దగ్గరపడుతున్న నేపథ్యంలో చిత్రబృందం ప్రమోషనల్ కార్యక్రమాల వేగాన్ని పెంచింది. ఈ క్రమంలో గురువారం ఈ సినిమా ట్రైలర్‌ను అధికారికంగా విడుదల చేశారు. ట్రైలర్‌కి ప్రేక్షకుల నుండి విపరీతమైన స్పందన వస్తోంది. కేవలం 24గంటల్లో తెలుగు ట్రైలర్‌కి 48 మిలియన్లకు పైగా వ్యూస్ రాగా,ఇది ఆల్‌టైమ్ రికార్డు స్థాయిలో నిలిచింది. ఒక్క తెలుగు ట్రైలర్‌ మాత్రమే కాదు,అన్ని భాషల కలిపి ఈ ట్రైలర్‌కు 24గంటల్లో 61.7మిలియన్లకు పైగా వ్యూస్ వచ్చాయని చిత్రబృందం సోషల్ మీడియా వేదికగా ప్రకటించింది.

వివరాలు

భవిష్యత్తులో వచ్చే సినిమాల కోసం ఒక హెచ్చరిక

ఇది ఒక సాధారణ విజయాన్ని మించిపోయిన రికార్డు మాత్రమే కాదు, భవిష్యత్తులో వచ్చే సినిమాల కోసం ఒక హెచ్చరిక అని కూడా వారు చెప్పారు. ఈ చిత్రంలో నిధి అగర్వాల్ కథానాయికగా నటిస్తుండగా, ప్రముఖ నటులు బాబీ డియోల్, అనుపమ్ ఖేర్, సత్యరాజ్ లు కీలక పాత్రలు పోషిస్తున్నారు. ప్రముఖ నిర్మాత ఎ.ఎం.రత్నం సమర్పణలో, మెగా సూర్య ప్రొడక్షన్స్ పతాకంపై ఎ.దయాకర్ రావు ఈ చిత్రాన్ని నిర్మిస్తున్నారు. ఈ చిత్రంలోని కొన్ని భాగాలను దర్శకుడు క్రిష్ తెరకెక్కించినప్పటికీ, కొన్ని కారణాల వల్ల ఆయన తర్వాత ఈ ప్రాజెక్ట్ నుంచి తప్పుకున్నారు. మిగిలిన భాగాన్ని రత్నం కుమారుడు జ్యోతి కృష్ణ దర్శకత్వం వహించి పూర్తి చేశారు.

ట్విట్టర్ పోస్ట్ చేయండి

నిర్మాణ సంస్థ చేసిన ట్వీట్

Yesterday the director said - Ee Saari Date maaradhu - Industry Record lu maaruthayi .

And you know exactly what just happened 😉

Powerstar @PawanKalyan’s #HHVMTrailer is now the 𝗠𝗢𝗦𝗧 𝗩𝗜𝗘𝗪𝗘𝗗 𝗧𝗘𝗟𝗨𝗚𝗨 𝗧𝗥𝗔𝗜𝗟𝗘𝗥 𝗜𝗡 𝟮𝟰 𝗛𝗢𝗨𝗥𝗦 with 𝟰𝟴+ 𝗠𝗜𝗟𝗟𝗜𝗢𝗡… pic.twitter.com/asu7njfF4G
— Hari Hara Veera Mallu (@HHVMFilm) July 4, 2025