సంపత్ నంది దర్శకత్వంలో సాయి ధరమ్ తేజ్ కొత్త సినిమా: ఈరోజే మొదలైన షూటింగ్
ఈ వార్తాకథనం ఏంటి
యాక్సిడెంట్ తర్వాత రికవరీ అయిన సాయి ధరమ్ తేజ్ విరూపాక్ష, బ్రో సినిమాలతో ప్రేక్షకుల ముందుకు వచ్చాడు. వీటిల్లో విరూపాక్ష సినిమా సాయి ధరమ్ తేజ్ కెరీర్లో బిగ్గెస్ట్ హిట్ గా నిలిచింది.
100కోట్ల కలెక్షన్లను సాధించి, సాయి ధరమ్ తేజ్ కెరీర్ లో అత్యధిక వసూళ్లు సాధించిన చిత్రంగా విరూపాక్ష రికార్డు నెలకొల్పింది.
ఇక పవన్ కళ్యాణ్ తో పాటు నటించిన బ్రో సినిమా బాక్సాఫీస్ వద్ద యావరేజ్ గా ఆడింది. బ్రో తర్వాత సాయి ధరమ్ తేజ్ కొత్త సినిమాను మొదలు పెట్టాడు.
సంపత్ నంది దర్శకత్వంలో సాయి ధరమ్ తేజ్ కొత్త సినిమా తెరకెక్కుతోంది. ఈ సినిమాకు ఇంట్రెస్టింగ్ టైటిల్ కూడా ఖరారయ్యింది.
Details
గంజాయి శంకర్ టైటిల్ తో సాయి ధరమ్ తేజ్ కొత్త చిత్రం
సంపత్ నంది దర్శకత్వంలో తిరకెక్కుతున్న సాయి ధరమ్ తేజ్ కొత్త సినిమాకు గంజాయి శంకర్ అనే టైటిల్ ను ఫిక్స్ చేశారని సమాచారం. ఈ చిత్ర షూటింగ్ ఈరోజే మొదలైందని తెలుస్తోంది.
గంజాయి శంకర్ సినిమాలో సాయి ధరమ్ తేజ్ ఇదివరకెప్పుడూ కనిపించని విధంగా మాస్ లుక్ లో కనిపించనున్నారట.
జైలు నేపథ్యంలో సాగే గంజాయి శంకర్ సినిమా మాస్ ప్రేక్షకులకు నచ్చే విధంగా అన్ని హంగులతో ఉంటుందని అంటున్నారు.
సితార ఎంటర్టైన్మెంట్ బ్యానర్లో రూపొందుతున్న గంజాయి శంకర్ సినిమాకు సూర్యదేవర నాగ వంశీ నిర్మాతగా వ్యవహరిస్తున్నారు.