Emmy Awards 2024: న్యూయార్క్‌లో ఇంటర్నేషనల్ ఎమీ అవార్డ్స్‌ వేడుకలు
ప్రపంచ టెలివిజన్ రంగంలో అత్యున్నత ప్రతిభను గౌరవించే ఇంటర్నేషనల్ ఎమీ అవార్డ్స్‌ 52వ ఎడిషన్ నవంబర్ 26న నిర్వహించనున్నారు. ఇంటర్నేషనల్ అకాడమీ ఆఫ్ టెలివిజన్ ఆర్ట్స్ & సైన్సెస్ ఈ కార్యక్రమానికి ఆతిథ్యమిస్తోంది. గతేడాది అమెరికా వెలుపల ప్రసారమైన అత్యుత్తమ టెలివిజన్ కార్యక్రమాలను ఈ అవార్డుల ద్వారా గౌరవిస్తారు. భారతీయ కమెడియన్, నటుడు 'విర్ దాస్' ఈ వేడుకకు హోస్ట్‌గా వ్యవహరిస్తున్నారు. ఒక భారతీయుడు ఈ అవార్డుల కార్యక్రమాన్ని హోస్ట్ చేయడం ఇదే మొదటిసారి. ఈ వేడుకలో 21 దేశాల నుంచి 56కి పైగా నామినీలు పాల్గొంటారు. భారతదేశం, ఆర్జెంటీనా, ఆస్ట్రేలియా, బ్రెజిల్, ఫ్రాన్స్, యుకె వంటి దేశాలు ప్రాతినిధ్యం వహిస్తున్నాయి.
ఈ ఏడాది అవార్డుల్లో ఆర్ట్స్ ప్రోగ్రామింగ్
ఈ ఏడాది అవార్డుల్లో ఆర్ట్స్ ప్రోగ్రామింగ్, బెస్ట్ యాక్టర్, యాక్ట్రెస్, కామెడీ, డాక్యుమెంటరీ, డ్రామా సిరీస్, కిడ్స్ ప్రోగ్రామింగ్, నాన్-స్క్రిప్టెడ్ ఎంటర్టైన్‌మెంట్, షార్ట్-ఫార్మ్ సిరీస్, స్పోర్ట్స్ డాక్యుమెంటరీ, టెలెనొవెలా, టీవీ మూవీ/మినీ సిరీస్ వంటి విభాగాల్లో నామినేషన్లు ఉన్నాయి. ఆర్ట్స్ ప్రోగ్రామింగ్: పియానోఫోర్ట్‌ (పోలాండ్), రాబీ విలియమ్స్‌ (యుకె), విర్జిలియో (ఆర్జెంటీనా), హు ఐ యామ్‌ లైఫ్‌ (జపాన్) కామెడీ: డైలీ డోస్ ఆఫ్ సన్‌షైన్‌ (దక్షిణ కొరియా), డెడ్లాక్‌ (ఆస్ట్రేలియా), డివిజన్ పాలెర్మో (ఆర్జెంటీనా), హెచ్‌పిఐ - సీజన్ 3 (ఫ్రాన్స్) డాక్యుమెంటరీ: ల'అఫైర్ బెట్టెన్‌కోర్ట్‌ (ఫ్రాన్స్), ఒట్టో బాక్స్టర్‌: నాట్ ఎ ఫ్_ హారర్ స్టోరీ (యుకె), ది ఎగ్జైల్స్‌ (సింగపూర్), ట్రాన్సో (బ్రెజిల్)
డ్రామా సిరీస్‌లో 'ది నైట్ మేనేజర్‌
డ్రామా సిరీస్ విభాగంలో భారత్ నుంచి 'ది నైట్ మేనేజర్‌' నామినేట్ అయింది. ఈ విభాగంలో లెస్ గూట్స్ డె డియెయు (ఫ్రాన్స్), ది న్యూస్‌రీడర్‌ - సీజన్ 2 (ఆస్ట్రేలియా), ఐయోసీ: ఎల్ ఎస్పియా అర్అప్పెంటిడో - సీజన్ 2 (ఆర్జెంటీనా)** కూడా పోటీలో నిలిచాయి. స్ట్రీమింగ్ వివరాలు ఈ వేడుక భారత కాలమానం ప్రకారం నవంబర్ 26న ఉదయం 3:30 గంటల నుంచి 9:30 గంటల వరకు iemmys.tv ద్వారా ప్రత్యక్ష ప్రసారం కానుంది.
