Pushpa 2 Movie: 'పుష్ప' 2లో ఐటమ్ సాంగ్.. సమంతతో పాటు శ్రీలీల?
'పుష్ప 2' విడుదలకు సమయం దగ్గరపడుతోంది. ఈ సినిమా చాలావరకు పూర్తి అయినా, ఐటమ్ సాంగ్ కోసం సరైన హీరోయిన్ ను ఎంపిక చేయలేదు. తొలి భాగంలో సమంత 'ఊ అంటావా మావ' అంటూ యూత్‌ను అలరించగా, ఈసారి ఆ స్థానాన్ని ఎవరూ భర్తీ చేస్తారో తెలియాల్సి ఉంది. ఈసారి పుష్పరాజ్ తో కలిసి ఇద్దరు బ్యూటీస్‌ స్టెప్పులు వేయనున్నట్లు తెలుస్తోంది. 'పుష్ప 2' ఐటైం సాంగ్ లో తృప్తి దిమ్రి, శ్రద్ధా దాస్ నటిస్తున్నట్లు వార్తలు వచ్చాయి. కానీ, రెమ్యునరేషన్ విషయంలో తేడాలొస్తున్నాయట.
పుష్ప 2
తాజాగా శ్రీలీలను ఐటమ్ సాంగ్‌లో చేర్చాలని చర్చలు జరుగుతున్నాయట. సమంతతో పాటు శ్రీలీల ఐటం సాంగ్ లో కనిపించనున్నట్లు సమాచారం. దీనిపై త్వరలోనే క్లారిటీ రానుంది. అల్లు అర్జున్, రష్మిక మందన్నా, ఫహాద్ ఫాజిల్, సునీల్ వంటి ప్రముఖులు నటిస్తున్న "పుష్ప 2" డిసెంబరు 5న పాన్ ఇండియా స్థాయిలో విడుదల కానుంది. ఇప్పటికే విడుదలైన పాటలు, టీజర్ మిలియన్ల వ్యూస్ సాధించి, సినిమాకు భారీ హైప్ తీసుకువచ్చాయి. పుష్ప 2 ఎంత మేరకు అలరిస్తుందో రిలీజ్ వరకూ వేచి చూడాల్సిందే.
