Kannappa: కన్నప్ప సినిమాలో ఎంట్రీ ఇవ్వబోతున్న మరో స్టార్ హీరోయిన్..
మంచు విష్ణు హీరోగా తెరకెక్కుతున్న భారీ బడ్జెట్ చిత్రం 'కన్నప్ప'. ప్రస్తుతం ఈ సినిమా షూటింగ్ శరవేగంగా జరుపుకుంటుంది. 'కన్నప్ప' నుంచి వస్తున్న ప్రతీ ఒక్క అప్డేట్ అంచనాలు పెంచేస్తోంది. కన్నప్ప చిత్రంలో ఇప్పటికే మోహన్ బాబు, ప్రభాస్, అక్షయ్ కుమార్, మోహన్ లాల్‌ కీలక పాత్రలలో నటిస్తున్నారు. తాజాగా కన్నప్పకు సంబంధించిన మరో అప్డేట్ సోషల్ మీడియాలో వైరల్ అవుతోంది. ఇప్పుడు, ఈ సినిమాలో కాజల్ ఓ కీలక పాత్రలో నటిస్తున్నట్లు సమాచారం.ఆమె పాత్ర ఏమిటి అనే దాని మీద మాత్రం ఇంకా క్లారిటీ లేదు. మోసగాళ్లులో కాజల్, విష్ణు తోబుట్టువులుగా నటించిన విషయం తెలిసిందే.
కేన్స్ ఫిల్మ్ ఫెస్టివల్‌లో కన్నప్ప టీజర్, గ్లింప్స్
అక్షయ్ ఇప్పటికే తన పార్ట్ షూట్ పూర్తి చేయగా, ఆ తరువాత డార్లింగ్ ప్రభాస్ సెట్‌లోకి ఎంట్రీ ఇచ్చాడు. ఇదిలా ఉంటే మే 20వ తేదీ సాయంత్రం 6 గంటలకు ప్రతిష్టాత్మకమైన కేన్స్ ఫిల్మ్ ఫెస్టివల్‌లో కన్నప్ప టీజర్, గ్లింప్స్ లాంచ్ కానున్నాయి. కన్నప్ప, మోస్ట్ వెయిటింగ్ పాన్ ఇండియా చిత్రాలలో ఒకటి. మోహన్ బాబు నిర్మిస్తున్న ఈ సినిమాకి ముఖేష్ కుమార్ సింగ్ దర్శకత్వం వహిస్తున్నారు.
