Kanguva : కేరళలో 'కంగువ' సినిమా బుకింగ్స్ రికార్డు.. సూర్య కెరీర్‌లోనే అత్యధికం
ఈ వార్తాకథనం ఏంటి
స్టార్ హీరో సూర్య నటిస్తున్న భారీ పీరియాడిక్ యాక్షన్ చిత్రం 'కంగువ'.
ప్రస్తుతం ఈ మూవీపై భారీ అంచనాలు ఉన్నాయి. ఈ సినిమాను దర్శకుడు శివ తెరకెక్కిస్తున్నారు. ఇందులో దిశా పటానీ, బాబీ డియోల్ కీలక పాత్రలు పోషిస్తున్నారు.
స్టూడియో గ్రీన్, యూవీ క్రియేషన్స్ బ్యానర్లపై కేఈ జ్ఞానవేల్ రాజా, వంశీ, ప్రమోద్ నిర్మిస్తున్న ఈ చిత్రాన్ని నైజాం ప్రాంతంలో మైత్రీ మూవీ డిస్ట్రిబ్యూటర్స్ రిలీజ్ చేయనున్నారు.
Details
రెండు రోజుల్లో 1.05 కోట్లు కలెక్ట్
నవంబర్ 14న ఈ సినిమా ప్రపంచవ్యాప్తంగా రిలీజ్ కానుంది. ప్రస్తుతం 'కంగువ' సినిమా అడ్వాన్స్ బుకింగ్స్‌లో సత్తా చాటుతోంది.
తెలుగు, తమిళ భాషల్లో డీసెంట్ బుకింగ్స్ నమోదవుతున్నాయి. ఇక కేరళలో ఈ సినిమా అడ్వాన్స్ బుకింగ్స్ సునామీలా మారాయి.
ఇప్పటివరకు రూ. 1.05 కోట్లు రాబట్టింది. దీంతో సూర్య కెరీర్ లోని అత్యధిక అడ్వాన్స్ బుకింగ్స్‌గా రికార్డుకెక్కింది. 'కంగువ' భారీ అంచనాలతో కేరళలో గ్రాండ్‌గా రిలీజ్ కానుంది.