Mahesh Babu - Rajamouli: ప్రారంభమైన రాజమౌళి - మహేశ్‌బాబు ప్రాజెక్ట్‌ ..!
ఈ వార్తాకథనం ఏంటి
దర్శకధీరుడు రాజమౌళి,హీరో మహేష్ బాబు కాంబినేషన్‌లో ఓ భారీ ప్రాజెక్ట్‌ను రూపొందించేందుకు సన్నద్ధమవుతున్నట్లు తాజా సమాచారం అందింది.
ఈ ప్రాజెక్ట్‌ను "SSMB 29" పేరుతో ప్రాచుర్యం పొందింది. నేటి నుండి ఈ సినిమా అధికారికంగా ప్రారంభమైనట్లు తెలుస్తోంది.
గురువారం, హైదరాబాద్‌లో ఈ సినిమా పూజా కార్యక్రమం ఘనంగా నిర్వహించబడినట్లు వార్తలు వెలువడుతున్నాయి.
ఈ కార్యక్రమం నగర శివారులోని అల్యూమినియం ఫ్యాక్టరీలో జరిగింది.
చిత్రబృందం, మహేశ్‌బాబు ఈ కార్యక్రమంలో పాల్గొన్నారని కొన్ని వీడియోలు సోషల్ మీడియాలో వైరల్ అవుతున్నాయి.
అయితే, సినిమా ప్రారంభానికి సంబంధించి ఇప్పటి వరకు టీమ్ నుండి అధికారిక ప్రకటనలు లేదా ఫోటోలు బయటకురాలేదు. మరోవైపు, ఈ సినిమా ప్రారంభంతో మహేశ్‌బాబు అభిమానులు హర్షం వ్యక్తం చేస్తున్నారు.
వివరాలు
వేసవి నుంచి సినిమా రెగ్యులర్‌ షూటింగ్
ఈ సినిమా రెగ్యులర్‌ షూటింగ్ వేసవి నుంచి ప్రారంభమవుతుందని సమాచారం.
సినిమా రెండు భాగాల్లో విడుదలయ్యే అవకాశముందని అంచనాలు ఉన్నాయి. తొలి భాగం 2027లో విడుదల చేయడానికి ప్లాన్ చేసుకున్నారని టాక్.
భారీ బడ్జెట్‌తో రూపొందించే ఈ చిత్రంలో ప్రియాంక చోప్రా, పృథ్వీరాజ్‌, సుకుమార్‌ నటించనున్నారు.
అలాగే, హాలీవుడ్‌ నటీనటులు, టెక్నీషియన్లను కూడా ఈ ప్రాజెక్టులో భాగం చేసారని సమాచారం. కానీ ఈ విషయాలపై ఇంకా స్పష్టత రావాల్సి ఉంది.
వివరాలు
సినిమా భారతీయ భాషలతో పాటు,విదేశీ భాషల్లో..
రచయిత విజయేంద్రప్రసాద్‌ గతంలో ఓ ఇంటర్వ్యూలో ఈ చిత్రంతో రాజమౌళి భారతీయ సినిమా పరిశ్రమలో మరింత కొత్త ప్రపంచాన్ని ఆవిష్కరించబోతున్నారని తెలిపారు.
దీంతో సినిమా మీద అంచనాలు మరింత పెరిగాయి. అమెజాన్‌ అడవుల నేపథ్యంలో రూపొందించబోతున్న ఈ కథలో అనేక విదేశీ నటులు కూడా నటించనున్నారు.
ఈ చిత్రాన్ని భారతీయ భాషలతో పాటు, విదేశీ భాషల్లో కూడా అనువదించనున్నారు.
దుర్గా ఆర్ట్స్‌పై కె.ఎల్‌.నారాయణ ఈ సినిమాను నిర్మిస్తున్నారు. మహేశ్‌బాబు ఈ చిత్రంలో సరికొత్త లుక్‌లో కనిపించనున్నారు.
ఆయన ఈ పాత్ర కోసం కొంతకాలంగా సన్నద్ధమవుతున్నారు. అదే విధంగా, రాజమౌళి ఈ సినిమా కోసం లొకేషన్లను పరిశోధించడానికి ఒడిశా, ఆఫ్రికా వంటి ప్రదేశాలను కూడా సందర్శించినట్లు సమాచారం.