Mammootty : మెగాస్టార్ సినిమాలో కన్నడ విలన్.. ఎవరో తెలుసా
మాలీవుడ్ మెగాస్టార్ మమ్ముట్టి తదుపరి సినిమాలో ప్రముఖ కన్నడ నటుడు విలన్ పాత్రలో నటించనున్నారు. ఈ మేరకు నటుడు రాజ్ బీ శెట్టి ప్రతినాయకుడి పాత్రలో అలరించనున్నారు. మలయాళ స్టార్ హీరో ఇటీవలే కన్నూర్ స్క్వాడ్‌తో అదరగొట్టారు. ఆ సినిమా సూపర్ హిట్ టాక్ అందుకుంది. ప్రస్తుతం ఈ సినిమా ఓటిటిలోకి వచ్చేసింది. ఇదే సమయంలో నవంబర్ 23న, మమ్ముట్టి కాదల్ బిగ్ స్క్రీన్‌లోకి రానుండటం విశేషం. ప్రస్తుతం మమ్ముట్టి వైశాఖ్ దర్శకత్వంలో ఓ యాక్షన్ కామెడీ టర్బో షూటింగ్‌లో మునిగిపోయారు. అయితే గరుడ గమన వృషభ వాహనం, టోబి చిత్రాల్లో శెట్టి అద్భుతంగా నటించి పేరు ప్రఖ్యాతలు సాధించారు. టర్బో సినిమాలో శెట్టి విలన్‌గా నటించనున్నట్లు చిత్ర నిర్మాణ బృందం ప్రకటించింది.
