విలన్ గా మంచు మనోజ్: రవితేజ సినిమాలో అవకాశం?
ఈ వార్తాకథనం ఏంటి
మంచు మనోజ్ హీరోగా సినిమా వచ్చి చాలా రోజులై పోయింది. 2017లో వచ్చిన ఒక్కడు మిగిలాడు తర్వాత మనోజ్ హీరోగా ఒక్క సినిమా కూడా విడుదల కాలేదు.
అహం బ్రహ్మస్మి సినిమాను ప్రకటించినా ఆ సినిమా ఏమైందో తెలియదు. మనోజ్ నుండి సినిమాలు రాకపోవడానికి అనేక కారణాలు ఉన్నాయి. వ్యక్తిగత జీవితంలో వచ్చిన మార్పుల వల్ల సినిమా కెరీర్ ముందుకు సాగలేదు.
ప్రస్తుతం భూమా మౌనికను పెళ్ళి చేసుకుని కొత్త జీవితాన్ని ప్రారంభించాడు మనోజ్. అలాగే రెండు కొత్త సినిమా ప్రాజెక్టులను ఓకే చేసాడు. అందులో ఒకటి వాట్ ద ఫిష్ అనే పేరుతో తెరకెక్కుతోంది.
అయితే తాజాగా మనోజ్ మరో సినిమాను ఒప్పుకున్నారని, ఆ సినిమాలో విలన్ గా కనిపిస్తారని అంటున్నారు.
Details
కలర్ ఫోటో దర్శకుడి సినిమాలో విలన్ గా మనోజ్
కలర్ ఫోటో సినిమా దర్శకుడు సందీప్ రాజ్ దర్శకత్వంలో రవితేజ హీరోగా సినిమా తెరకెక్కబోతుందని సమాచారం. ఈ సినిమాలో విలన్ గా మనోజ్ ని తీసుకున్నారని అంటున్నారు.
సందీప్ రాజ్ ఆల్రెడీ కథ వినిపించినట్లు, మనోజ్ కి కూడా కథ బాగా నచ్చేసిందని చెబుతున్నారు. ఇంకో ఇంట్రెస్టింగ్ విషయం ఏంటంటే, ఈ సినిమాలో హీరో విశ్వక్ సేన్ నటించనున్నాడట.
అదే నిజమైతే సందీప్ రాజ్ మంచి క్రేజీ ప్రాజెక్టుకు శ్రీకారం చుట్టబోతున్నాడన్న మాట. ప్రస్తుతానికి ఈ విషయాలపై ఎలాంటి అధికారిక సమాచారం రాలేదు. మరి ఎప్పుడు వస్తుందో చూడాలి.