Matka: 'మట్కా' టీజర్ రిలీజ్.. కొత్త లుక్‌లో వరుణ్ తేజ్
మెగా హీరో వరుణ్ తేజ్ ప్రధాన పాత్రలో నటిస్తున్న తాజా చిత్రం 'మట్కా'. ఈ చిత్రానికి కరుణ కుమార్ దర్శకత్వం వహిస్తుండగా, విజేందర్ రెడ్డి తీగల, రజనీ తాళ్లూరి నిర్మిస్తున్నారు. హీరోయిన్‌గా కథానాయికగా మీనాక్షి చౌదరి నటిస్తోంది. ప్రస్తుతం ఈ సినిమా షూటింగ్ శరవేగంగా జరుగుతోంది. ఇప్పటికే ఫస్ట్ లుక్ విడుదలై మంచి స్పందనను అందుకుంది. తాజాగా, చిత్ర యూనిట్ టీజర్‌ను విడుదల చేసింది. టీజర్ ప్రారంభంలోనే 'ఈ దేశంలో చలామణి అయ్యే ప్రతి రూపాయిలో 90 పైసలు నూటికి ఒక్కడే సంపాదిస్తున్నాడు. మిగతా 10 పైసల కోసం 99 మంది కొట్టుకుంటారు' అనే హిట్ డైలాగ్‌తో ప్రేక్షకులను ఆకర్షిస్తోంది.
ఈ ఏడాది చివర్లో రిలీజ్
1958-1982 మధ్య కాలంలో జరిగిన వాస్తవ ఘటనల ఆధారంగా రూపొందించిన ఈ పీరియాడిక్ యాక్షన్ థ్రిల్లర్ వైజాగ్ నేపథ్యంతో సాగే కథగా ఉంది. వరుణ్ తేజ్ ఈ సినిమాలో నాలుగు భిన్న గెటప్‌లలో కనిపించనున్నారు. ఈ సినిమా షూటింగ్ సగం పూర్తి కాగా, ఈ ఏడాది చివరలో ప్రేక్షకుల ముందుకు రాబోతోంది. నవీన్ చంద్ర, కిశోర్, రవీంద్ర విజయ్ ముఖ్య పాత్రలు పోషిస్తున్నారు. ఈ సినిమాకు జివి ప్రకాశ్ కుమార్ సంగీతాన్ని అందిస్తున్నారు.
