దృశ్యం దర్శకుడితో మోహన్ లాల్ మరో సినిమా: దృశ్యం 3 ఉండనుందా?
మలయాళీ నటుడు మోహన్ లాల్ నటించిన దృశ్యం సినిమా ఎంత పాపులరో అందరికీ తెలుసు. మలయాళం నుండి ఇతర భాషల్లో రీమేక్ అయ్యి మంచి విజయం అందుకుంది ఈ చిత్రం. దృశ్యం సినిమాను జీతూ జోసెఫ్ తెరకెక్కించారు. ప్రస్తుతం జీతూ జోసెఫ్ దర్శకత్వంలో రామ్ అనే సినిమాలో నటిస్తున్నాడు మోహన్ లాల్. ఆ సినిమా రిలీజ్ అవ్వకముందే మరో మారు జీతూ జోసెఫ్ తో సినిమా ప్రకటన రావడం అందరికీ ఆశర్యంగా ఉంది. జీతూ జోసెఫ్ దర్శకత్వంలో రూపొందబోయే ఈ సినిమా, దృశ్యం 3 అయ్యుంటుందని అందరూ అనుకుంటున్నారు.
200కోట్ల బడ్జెట్ తో పాన్ ఇండియా చిత్రం
దృశ్యం సినిమాకు ఇప్పుడు రూపొందే కొత్త సినిమాకు ఎలాంటి సంబంధం లేదట. కొత్త జోనర్ లో సరికొత్త సినిమా తెరకెక్కుతోందని సమాచారం. ఆశీర్వాద్ సినిమాస్ బ్యానర్ లో రూపొందుతున్న ఈ సినిమా గురించి ఇతర విషయాలేవీ వెల్లడి చేయలేదు. అదలా ఉంచితే, పాన్ ఇండియా రేంజ్ లో తెరకెక్కుతోన్న వృషభ సినిమాలో మోహన్ లాల్ కనిపించనున్నాడు. తండ్రీ కొడుకుల మధ్య సాగే ఈ డ్రామాలో మోహన్ లాల్ కొడుకుగా శ్రీకాంత్ కొడుకు రోషన్ నటించనున్నాడని వార్తలు వచ్చాయి. బాలీవుడ్ నిర్మాత ఏక్తాకపూర్ నిర్మిస్తున్న ఈ సినిమాను కన్నడ దర్శకుడు నందకిషోర్ తెరకెక్కిస్తున్నారు. 200కోట్ల బడ్జెట్ తో రూపొందే ఈ సినిమాను 2024లో విడుదల చేయాలని చిత్రబృందం అనుకుంటోంది.