Naga Chaitanya : నాగ చైతన్య బర్త్‌డే ట్రీట్.. 'తండేల్' నుంచి కొత్త పోస్టర్ రిలీజ్
అక్కినేని నాగ చైతన్య ప్రధాన పాత్రలో నటిస్తున్న 'తండేల్' సినిమాపై భారీ అంచనాలు నెలకొన్నాయి. చందు మొండేటి దర్శకత్వంలో తెరకెక్కుతున్న ఈ చిత్రాన్ని గీత ఆర్ట్స్ 2 బ్యానర్‌పై బన్నీ వాసు నిర్మిస్తుండగా, అల్లు అరవింద్ సమర్పిస్తున్నారు. ఈ సినిమా శ్రీకాకుళం నుంచి గుజరాత్ తీరానికి, అక్కడి నుంచి పాకిస్తాన్ జైలు వరకు వెళ్లిన యువకుల నిజ జీవిత కథ ఆధారంగా రూపొందించారు. శ్రీకాకుళం నుంచి గుజరాత్ వెళ్లి చేపలు పట్టేందుకు వెళ్లిన కొందరు యువకులు అనుకోకుండా పాక్ నేవీ చేతిలో పడిపోవడం, వారు పాకిస్తాన్ జైల్లో శిక్ష అనుభవించడం ఈ కథలో ప్రధాన అంశాలు.
ఫిబ్రవరి 7న రిలీజ్
ఈ పరిస్థితుల్లో హీరో తన ప్రియురాలు శ్రీకాకుళంలో ఉండడం వల్ల ఎదురైన ఆవేదన, చివరకు వారి జైలు జీవితం నుంచి బయటపడిన ప్రయాణం ఉత్కంఠ భరితంగా చూపించనున్నారు. తాజాగా చైతన్య పుట్టినరోజు సందర్భంగా తండేల్ రాజు పాత్రకు సంబంధించిన పోస్టర్ విడుదలైంది. ఇందులో చైతన్య సీరియస్ లుక్‌తో ఆకట్టుకుంటున్నారు. ఇటీవల విడుదలైన బుజ్జి తల్లి' సాంగ్ ఇప్పటికే ప్రేక్షకులను మెస్మరైజ్ చేస్తోంది. ఈ మూవీని వచ్చే ఏడాది ఫిబ్రవరి 7న న విడుదల చేయడానికి నిర్ణయించారు.
