Captain Miller: ధనుష్ కోసం నాగార్జున,వెంకటేష్
కోలీవుడ్ స్టార్ హీరో ధనుష్ హీరోగా ప్రియాంక అరుళ్ మోహన్ హీరోయిన్ గా దర్శకుడు అరుణ్ మాతేశ్వర్ తెరకెక్కించిన పీరియాడిక్ సాలిడ్ యాక్షన్ డ్రామా "కెప్టెన్ మిల్లర్". తమిళ్ లో రిలీజ్ అయి మంచి సక్సెస్ సాధించిన ఈ మూవీ జనవరి 25న తెలుగులో రిలీజ్ కానుంది. ఏషియన్ సినిమాస్, సురేష్ ప్రొడక్షన్స్ సంయుక్తంగాఈ సినిమాని తెలుగులో రిలీజ్ చేయనున్నారు. తాజా సమాచారం ప్రకారం,ఈ మూవీ తెలుగు థియేట్రికల్ ట్రైలర్ ఈ రోజు సాయంత్రం 6 గం. లకు విడుదల చేయనున్నారు.
ట్రైలర్ విడుదలకు టాలీవుడ్ అగ్రహీరోలు
ఈ ట్రైలర్ ని టాలీవుడ్ అగ్రహీరోలు విక్టరీ వెంకటేష్, నాగార్జున విడుదల చెయ్యనున్నారు. సత్యజ్యోతి ఫిలిమ్స్ పతాకంపై సెంథిల్ త్యాగరాజ్, అర్జున్ త్యాగరాజన్ నిర్మించిన ఈ చిత్రంలో ప్రియాంక అరుల్ మోహన్, శివ రాజ్‌కుమార్, సందీప్ కిషన్, నివేదిత సతీష్, జాన్ కొక్కెన్, విజయకన్, ఎడ్వర్డ్ సోనెన్‌బ్లిక్ తదితరులు ముఖ్య పాత్రలు పోషిస్తున్నారు. జివి ప్రకాష్ కుమార్ ఈ చిత్రానికి సంగీత దర్శకుడు.
