Naga Chaitanya-Sobhita: 'నా పెళ్లి ఆలా చెయ్యండి' నాగార్జునని కోరిన నాగచైతన్య
ఈ వార్తాకథనం ఏంటి
హీరో నాగ చైతన్య ,నటి శోభితా ధూళిపాళ్ల పెళ్లి డిసెంబర్ 4న అన్నపూర్ణ స్టూడియోస్‌లో జరగనుంది.
ఈ విషయాన్ని నాగార్జున ఓ ప్రముఖ ఆంగ్ల మీడియాతో పంచుకున్నారు. నాగచైతన్య తన పెళ్లి వేడుకను చాలా సింపుల్‌గా జరిపించాలని కోరినట్లు ఆయన తెలిపారు.
"ఈ సంవత్సరం మా నాన్నగారి శతజయంతి సంవత్సరం కావడంతో అన్నపూర్ణ స్టూడియోస్‌లో నాగచైతన్య-శోభితల పెళ్లి జరగడం నాకు చాలా ఆనందంగా ఉంది. ఇది కేవలం ఓ స్టూడియో మాత్రమే కాదు, మా కుటుంబ వారసత్వంలో ఒక భాగం. మా నాన్నగారి ఇష్టమైన ప్రదేశం ఇది. చైతన్య పెళ్లిని సాదాసీదాగా చేయాలని కోరాడు.ఈ వేడుకకు 300 మంది కుటుంబ సభ్యులు, సన్నిహితులు, సినీ ప్రముఖులను ఆహ్వానించడానికి ఆలోచిస్తున్నాం.
వివరాలు
నాకు పెళ్లి మంత్రాలు వినడం చాలా ఇష్టం: నాగార్జున
పెళ్లి సెట్ స్టూడియోలో సుందరంగా తీర్చిదిద్దబడినది. పెళ్లి పనులు కూడా వాళ్లిద్దరే చేసుకుంటామన్నారు. స్టూడియోలో అన్ని వసతులు ఉన్నాయి. ప్రతీ సంవత్సరం ఇక్కడ కనీసం 10 పెళ్లిళ్లు జరుగుతుంటాయి. శోభిత తల్లిదండ్రులు సంప్రదాయబద్ధంగా పెళ్లి నిర్వహించాలని కోరారు. నాకు కూడా ఆ మంత్రాల వినడం చాలా ఇష్టం. అవి వింటున్నప్పుడు మనసు చాలా ప్రశాంతంగా అనిపిస్తుంది. నాగచైతన్య, శోభితల పెళ్లి తెలుగు సంప్రదాయం ప్రకారం జరగనుంది. ప్రస్తుతం పెళ్లి ఏర్పాట్లు జరుగుతున్నాయి. రిసెప్షన్ వివరాలు త్వరలో తెలియజేస్తాం" అని నాగార్జున పేర్కొన్నారు.
వివరాలు
డిసెంబర్ 4న నాగచైతన్య, శోభిత పెళ్లి
"గూఢచారి" సినిమాతో శోభితా ధూళిపాళ్లను అభినందించాను. హైదరాబాద్ వచ్చినప్పుడు ఆమెను కలవమని ఆహ్వానించాను. శోభిత తన సినీ ప్రయాణంతో ఎంతో మందికి స్ఫూర్తినిచ్చింది. వైజాగ్ నుండి వచ్చి, ఈ పరిశ్రమలో ప్రత్యేక స్థానాన్ని సాధించింది. ఆమె ఈ స్థాయికి చేరుకోవడానికి చాలా కష్టపడింది. చాలా గొప్ప నటి, ఉన్నతమైన ఆలోచనలు ఉన్న వ్యక్తి. నాగచైతన్య, శోభితని చూస్తే ఎంతో సంతోషంగా ఉంది" అని నాగార్జున శోభితపై ప్రశంసలు అందించారు.
డిసెంబర్ 4న రాత్రి 8:13 నిమిషాలకు నాగచైతన్య, శోభిత పెళ్లి బంధంతో ఒక్కటవుతారు. వీరి పెళ్లి కార్డూ ఇటీవల సోషల్ మీడియాలో వైరల్ అయింది.