Nana Patekar Funeral: పుణెలో ప్రభుత్వ లాంఛనాలతో నానా పటేకర్ అంత్యక్రియలు
ఈ వార్తాకథనం ఏంటి
విలక్షణ నటుడిగా గుర్తింపు పొందిన బాలీవుడ్ నటుడు నానా పటేకర్ 75 ఏళ్ల వయసులో కన్నుమూశారు. ఆయన మృతితో చిత్ర పరిశ్రమలో విషాదం నెలకొంది. సినీ ప్రముఖులతో పాటు రాజకీయ, క్రీడా రంగాలకు చెందిన పలువురు ప్రముఖులు సైతం నానా పటేకర్ మృతికి సంతాపం తెలిపారు. ఆయన మరణవార్తతో అభిమానులు తీవ్ర దిగ్భ్రాంతికి గురయ్యారు. మరాఠీ నాటకరంగంతో పాటు మరాఠీ, హిందీ సినీ రంగాలకు నానా పటేకర్ చేసిన సేవలను గుర్తిస్తూ ఆయనకు ప్రభుత్వ లాంఛనాలతో అంత్యక్రియలు నిర్వహించాలని మహారాష్ట్ర ప్రభుత్వం నిర్ణయించింది. ముఖ్యమంత్రి దేవేంద్ర ఫడణవీస్ నేతృత్వంలోని ప్రభుత్వం ఈ నిర్ణయం తీసుకున్నట్లు సాంస్కృతిక వ్యవహారాల శాఖ మంత్రి ఆశిష్ షెలార్ వెల్లడించారు.
వివరాలు
పుణెలోని వ్యవసాయ క్షేత్రంలో తుది వీడ్కోలు
నానా పటేకర్ తన చివరి కోరికగా పుణెలోని తన వ్యవసాయ క్షేత్రంలోనే అంత్యక్రియలు నిర్వహించాలని కోరుకున్నట్లు సమాచారం.
ఆయన కోరికను గౌరవిస్తూ కుటుంబ సభ్యులు అక్కడే అంత్యక్రియలకు ఏర్పాట్లు చేస్తున్నారు.
మహారాష్ట్ర ప్రభుత్వం నిర్ణయం మేరకు అదే ప్రదేశంలో ప్రభుత్వ లాంఛనాలతో నానా పటేకర్‌కు తుది వీడ్కోలు పలకనున్నారు.
వివరాలు
తీవ్ర ఛాతీ నొప్పి..
గురువారం ఉదయం నానా పటేకర్ మరణవార్త వెలుగులోకి రావడంతో సినీ పరిశ్రమలో ఒక్కసారిగా విషాదం నెలకొంది.
ఆయన కుమారుడు మల్హర్ పటేకర్ తండ్రి మృతిని ధ్రువీకరించారు.
వైద్య నివేదికల ప్రకారం.. నానా పటేకర్ తీవ్రమైన ఛాతీ నొప్పితో బాధపడటంతో ఆయన నివాసానికి వైద్య బృందాన్ని పంపించారు.
అయితే వైద్యులు అక్కడికి చేరుకునే సమయానికి నానా పటేకర్ అపస్మారక స్థితిలో ఉన్నట్లు సమాచారం.
అనంతరం ఆయనను గోవాలోని మణిపాల్ ఆసుపత్రికి తరలించినట్లు నివేదికలు పేర్కొన్నాయి.
అక్కడ ఉదయం 5:20 గంటలకు వైద్యులు ఆయన మరణాన్ని ప్రకటించినట్లు సమాచారం.