Hit3 : ఆ రోజు నుంచే హిట్-3 ఓటీటీ స్ట్రీమింగ్..
ఈ వార్తాకథనం ఏంటి
నేచురల్ స్టార్ నాని ప్రధాన పాత్రలో నటించిన తాజా సినిమా హిట్ 3 ప్రేక్షకుల నుంచి మంచి స్పందనను పొందింది. శైలేష్ కొలను దర్శకత్వంలో తెరకెక్కిన ఈ చిత్రం,విడుదలైన వెంటనే హిట్ టాక్‌ను అందుకుంది. సినిమాలో హింసాత్మక సన్నివేశాలు అధికంగా ఉన్నాయన్న విమర్శలు వచ్చినప్పటికీ, బాక్సాఫీస్ వద్ద మంచి కలెక్షన్లు రాబట్టడం విశేషం. ఈ చిత్రంలో నానితో పాటు శ్రీనిధి శెట్టి కథానాయికగా నటించారు. ప్రత్యేకత ఏమిటంటే, ఈ సినిమాను నాని స్వయంగా నిర్మించారు. ఇది హిట్ ప్రాంచైజీ లో భాగంగా వచ్చిన మూడవ సినిమా కావడంతో ప్రేక్షకుల్లో ముందే ఒక ఆసక్తి ఏర్పడింది. ప్రస్తుతం కూడా ఈ సినిమా కొన్ని థియేటర్లలో విజయవంతంగా ప్రదర్శించబడుతోంది.
వివరాలు
ఓటీటీకి త్వరలో రాబోతున్న హిట్ 3
ముఖ్యంగా, పెద్ద సినిమాల విడుదల లేకపోవడం వల్ల హిట్ 3 కు థియేటర్లలో గట్టి పోటీ లేకుండా కొనసాగుతోంది. తాజా సమాచారం ప్రకారం, హిట్ 3 త్వరలో ఓటీటీ వేదికపైకి రానుంది. జూన్ 5 నుంచి నెట్‌ ఫ్లిక్స్‌లో స్ట్రీమింగ్ అవుతుందని తెలుస్తోంది. విడుదలైన నెల రోజుల వ్యవధిలోనే ఈ చిత్రం ఓటీటీలోకి వస్తుండడం గమనార్హం. ఇప్పటివరకు ఈ సినిమా రూ.100 కోట్లకు పైగా వసూలు చేసింది.
వివరాలు
నానిలో కొత్త కోణం
నాని తన కెరీర్‌లో తొలిసారిగా ఈ సినిమాలో ఒక పోలీస్ ఆఫీసర్ పాత్రలో నటించారు. సాధారణంగా క్లాస్ హీరోగా గుర్తింపు పొందిన నాని, ఈ సినిమాలో మాత్రం తీవ్రంగా, వైలెంట్ గెటప్‌లో కనిపించి ప్రేక్షకులను ఆకట్టుకున్నారు. తద్వారా, ఇకపై మాస్ పాత్రలతో కూడిన సినిమాల్లోనూ తన పరిధిని విస్తరించగలగటాన్ని ఈ చిత్రం ద్వారా రుజువు చేసుకున్నాడు. సీక్వెల్‌పై అంచనాలు హిట్ 3 సినిమాకు సీక్వెల్ కూడా సిద్ధమవుతోంది. వచ్చే పార్ట్‌లో ప్రముఖ నటుడు కార్తీ కీలక పాత్రలో కనిపించనున్నట్టు సమాచారం. దీనితో, హిట్ ప్రాంచైజీపై ప్రేక్షకుల్లో ఆసక్తి మరింత పెరిగే అవకాశముంది.