NBK 108: బాలయ్యకు విలన్ గా బాలీవుడ్ యాక్టర్ ని దింపిన అనిల్ రావిపూడి
నందమూరి బాలకృష్ణ తన 108వ చిత్రాన్ని అనిల్ రావిపూడి దర్శకత్వంలో చేస్తున్నాడు. కాజల్ అగర్వాల్ హీరోయిన్ గా నటిస్తున్న ఈ చిత్రంలో, ధమాకా బ్యూటీ శ్రీలీల మెరుస్తోంది. తాజాగా ఈ సినిమా నుండి అదిరిపోయే అప్డేట్ వచ్చింది. బాలయ్యకు విలన్ గా బాలీవుడ్ నటుడు అర్జున్ రాంపాల్ ని తీసుకున్నారు. ఈ మేరకు అధికారికంగా ప్రకటించారు. అర్జున్ రాంపాల్ తో బాలయ్య డైలాగ్ ని చెప్పిస్తూ చిన్న వీడియోను రిలీజ్ చేసారు మేకర్స్. ఈ వీడియో చాలా ఇంట్రెస్టింగ్ గా ఉంది. దసరా సందర్భంగా రిలీజ్ కు రెడీ అవుతున్న ఈ సినిమాను షైన్ స్క్రీన్ బ్యానర్ లో సాహు గారపాటి, హరీష్ పెద్ది నిర్మిస్తున్నారు. థమన్ సంగీతం అందిస్తున్నాడు.
