NBK 111 Heroine: బాలయ్యకు జోడిగా నయనతార కాదు.. హిట్ కాంబో మళ్లీ రెడీ!
ఈ వార్తాకథనం ఏంటి
నందమూరి నటసింహం బాలకృష్ణ వరుస విజయాలతో మంచి జోష్లో ఉన్నారు. ప్రస్తుతం ఆయన కెరీర్లో ఎంతో ప్రాముఖ్యత కలిగిన 111వ చిత్రంపై పని చేస్తున్నారు. 'వీరసింహారెడ్డి' లాంటి భారీ విజయానికి తర్వాత దర్శకుడు గోపీచంద్ మలినేనితో మరోసారి జతకడుతున్న ఈ సినిమాపై ఇప్పటికే పెద్ద ఎత్తున అంచనాలు ఏర్పడ్డాయి. అయితే ఈ చిత్రంలో హీరోయిన్ ఎవరు అన్న విషయంలో కొన్ని రోజులుగా కొనసాగుతున్న ఆసక్తికి ఇప్పుడు సమాధానం లభించింది.
వివరాలు
బాలయ్య సరసన 'లేడీ సూపర్ స్టార్'?
మొదట ఈ సినిమాలో బాలయ్య సరసన 'లేడీ సూపర్ స్టార్' నయనతార నటిస్తారని ప్రచారం జరిగింది. కానీ తాజా సమాచారం ప్రకారం ఆ అవకాశం లేకపోయి, ప్రముఖ నటి కాజల్ అగర్వాల్ హీరోయిన్గా కనిపించనుందని తెలుస్తోంది. ఇప్పటికే 'భగవంత్ కేసరి'లో బాలకృష్ణతో కలిసి నటించిన కాజల్, మరోసారి ఆయనతో కలిసి స్క్రీన్పై మెరవడం విశేషం. ఈ జంటకు ప్రేక్షకుల్లో ఉన్న ఆదరణ దృష్ట్యా చిత్రబృందం కాజల్ను ఎంపిక చేసినట్టు సమాచారం.
వివరాలు
త్వరలోనే సెట్స్లోకి కాజల్..
త్వరలోనే కాజల్ ఈ సినిమా షూటింగ్లో పాల్గొనబోతున్నారని తెలుస్తోంది. ముఖ్యంగా మే నెలలో ఆమె తన తేదీలను ఈ ప్రాజెక్ట్కు కేటాయించినట్టు వార్తలు వినిపిస్తున్నాయి. షూటింగ్ మొదలయ్యే సమయానికి ఆమె పాత్రపై అధికారిక ప్రకటన కూడా వచ్చే అవకాశముంది. దర్శకుడు గోపీచంద్ మలినేని తన చిత్రాల్లో హీరోయిన్ పాత్రలను కేవలం ఆకర్షణ కోసం మాత్రమే కాకుండా కథకు కీలకంగా మలుస్తారు. ఇక ఈ 'NBK 111'లో కాజల్ పాత్రను ఆయన ఎలా రూపుదిద్దుతారో చూడాల్సి ఉంది.