NTR Neel: ఎన్టీఆర్-ప్రశాంత్ నీల్ సినిమా టైటిల్ అనౌన్స్‌మెంట్‌కి ముహూర్తం ఫిక్స్.!
ఈ వార్తాకథనం ఏంటి
టాలీవుడ్ యంగ్ టైగర్ జూనియర్ ఎన్టీఆర్ ప్రస్తుతం ఫుల్ జోష్‌లో ఉన్న విషయం తెలిసిందే.
కొరటాల శివ దర్శకత్వంలో వచ్చిన 'దేవర' సినిమా ద్వారా బ్లాక్‌బస్టర్ హిట్ ను అందుకున్నాడు తారక్.
ఈ సినిమా బాక్సాఫీస్ వద్ద సూపర్ హిట్‌గా నిలిచింది. ఈ చిత్రం ప్రపంచవ్యాప్తంగా రూ.500 కోట్ల వసూళ్లను సాధించింది.
అయితే ఈ సినిమా అనంత‌రం క‌న్న‌డ స్టార్ దర్శకుడు, కేజీఎఫ్, సలార్ సినిమాలతో ప్రసిద్ది చెందిన కర్ణాటక స్టార్ దర్శకుడు ప్రశాంత్ నీల్‌తో ఎన్టీఆర్ సినిమా చేస్తున్న విషయం తెలిసిందే.
ఈ చిత్రానికి "#NTRNeel" అనే పేరు ఉండవచ్చని కూడా వార్తలు వినిపిస్తున్నాయి. ప్రస్తుతం ఈ చిత్రం "డ్రాగన్" అనే టైటిల్‌తో రాబోతుందని ప్రచారం జరుగుతోంది.
వివరాలు
కథానాయికగా రుక్మిణి వసంత్
ఈ సినిమాకు సంబంధించిన పూజా కార్యక్రమాలు ఇప్పటికే పూర్తి కాగా, డిసెంబరులో షూటింగ్ ప్రారంభమయ్యే అవకాశం ఉంది.
2025 ఫిబ్రవరిలో తారక్ ఈ చిత్రంలో పాల్గొనబోతున్నాడని సమాచారం. తాజా సమాచారం ప్రకారం, ఈ సినిమా టైటిల్‌ను సంక్రాంతి పండుగ సందర్భంగా 2025 జనవరిలో అధికారికంగా ప్రకటించే అవకాశం ఉంది.
మేకర్స్ "డ్రాగన్" అనే టైటిల్‌ను ఫిక్స్ చేశారా?,లేక కొత్త టైటిల్‌తో వస్తారా అన్న విషయం తెలియాలంటే సంక్రాంతి వ‌ర‌కు ఆగాల్సిందే.
ఇక, ఈ చిత్రంలో'సప్త సాగరాలు దాటి'చిత్ర హీరోయిన్ రుక్మిణి వసంత్ కథానాయికగా నటించనున్నట్లు తెలుస్తోంది.
ఈ సినిమా ఒకే పార్ట్‌లో పూర్తయ్యే అవకాశం ఉంది.ఈ సినిమా 2026 జనవరి 9న సంక్రాంతి కానుకగా విడుదల కానున్నట్లు అధికారికంగా ప్రకటించిన విషయం తెలిసిందే.