Suryakantham: తెలుగు సినిమా గర్వించదగిన గయ్యాళి అత్త.. 'సూర్యకాంతం' జీవిత విశేషాలివే!
ఈ వార్తాకథనం ఏంటి
తెలుగు చిత్రసీమలో ఒక అపూర్వ నటీమణి, నటిగా పేరు గాంచిన గయ్యాళి పాత్రల రాణి.
తెరపై ఆమె కనిపిస్తే ప్రేక్షకులు మంత్రముగ్ధులవుతూ భయపడి నవ్వుకుంటారు. నిజ జీవితంలో అంతే వినయముగా, చలువగా ఉండే ఆమె, తన పాత్రలను ఎలాంటి సంకోచం లేకుండా నటించేవారు.
సూర్యకాంతం శతజయంతి సందర్భంగా ఆమె గురించి కొన్ని ఆసక్తికర విషయాలను తెలుసుకుందాం.
1924 అక్టోబర్ 28న కాకినాడ సమీపంలోని వెంకట కృష్ణరాయపురంలో జన్మించిన సూర్యకాంతం, పెద్ద కుటుంబంలో పుట్టిన 14వ సంతానం.
పాఠశాల దశలోనే నాటకాల పట్ల ఆసక్తి పెరిగింది. ఈక్రమంలో జెమినీ స్టూడియో నిర్మించిన 'చంద్రలేఖ' సినిమా ప్రకటన చూసి తలపడ్డ ఆమె మద్రాసుకు చేరుకున్నారు.
Details
నారద నారదితో అరంగ్రేటం
ఆమె తొలి సినిమా 'నారద నారది' (1946)లో చిన్నపాత్రతో ఎంట్రీ ఇచ్చినా, 'సంసారం'లో గయ్యాళి పాత్రలో అమోఘమైన నటనతో ప్రేక్షకులను మెప్పించింది.
తమిళనాట, తెలుగు సినీ పరిశ్రమలో ఒక పాత్ర పేరు సినిమా పేరు కావడం అరుదు. ఆ దశలో ఆమె నటించిన 'గుండమ్మ కథ' (1962) ఆమెకు చిరస్మరణీయమైన పాత్రగా నిలిచింది.
తర్వాత వచ్చిన 'మాయాబజార్', 'కులగోత్రాలు', 'యమగోల', 'అందాల రాముడు' వంటి ఎన్నో విజయవంతమైన చిత్రాల్లో ఆమె చేసిన గయ్యాళి పాత్రలు ప్రేక్షకులను అమితంగా ఆకట్టుకున్నాయి.
ఆన్‌స్క్రీన్‌లో గంభీరంగా కనిపించే ఆమె ఆఫ్స్క్రీన్‌లో సానుభూతితో మసులుకునే వ్యక్తి. చిత్తూరు నాగయ్య వంటి పెద్ద నటులను సన్నివేశాల్లో తిట్టి, చిత్రీకరణ పూర్తయిన తరువాత కాళ్ల మీద పడుతూ క్షమాపణలు కోరిన సందర్భాలున్నాయి.
Details
పద్మావతి మహిళా యూనివర్సిటీ నుంచి డాక్టరేట్
వంటల మీద ఆసక్తి పెంచుకుంటూ సహ నటులకు సెట్‌లో స్వయంగా వడ్డించడంలో కూడా ముందుండేవారు.
తనను హీరోయిన్‌గా చూసుకోవాలని కలలు కన్న సూర్యకాంతం, ఒక ప్రమాదంలో ముక్కుకు గాయమయ్యాక, ఆ అవకాశాలను దూరం చేసుకుంది.
ఫలితంగా క్యారెక్టర్ ఆర్టిస్ట్‌గా మారి తన నటనా పటిమతో తెలుగు సినీ అభిమానులకు మరో గయ్యాళి అత్త పాత్రని ఇచ్చింది.
తన జీవితంలో ఉన్న సమస్యలు, ఒడిదుడుకుల మధ్య నిలబడి ఎన్నో భాషలు నేర్చుకొని విజయం సాధించారు.
చివరి రోజుల్లో తిరుపతిలోని పద్మావతి మహిళా యూనివర్సిటీ నుంచి డాక్టరేట్ పొందడం ఆమెకి గర్వకారణమైంది. సూర్యకాంతం తెలుగు సినిమా అభిమానులకు ఎప్పటికీ గుర్తుండిపోయే నటీమణి.