Pushpa 2: పుష్ప ప్రీ రిలీజ్ ఈవెంట్‌కి డిప్యూటీ సీఎం.. వెన్యూ,తేదీ ఫైనల్..!
ఈ వార్తాకథనం ఏంటి
ఈ ఏడాది టాలీవుడ్‌ స్టార్‌ యాక్టర్ అల్లు అర్జున్ నటించిన ప్రాంఛైజీ ప్రాజెక్ట్ పుష్ప 2: ది రూల్ (Pushpa 2: The Rule) ప్రేక్షకులను సంబరపెట్టేందుకు సిద్ధంగా ఉంది.
ఈ చిత్రం సుకుమార్ దర్శకత్వంలో తెరకెక్కుతుంది. డిసెంబర్ 5న తెలుగు, తమిళం, హిందీ, కన్నడ, మలయాళ భాషల్లో ప్రపంచవ్యాప్తంగా గ్రాండ్‌గా విడుదల కాబోతోంది.
ఈ చిత్రం ప్రమోషన్స్ ఇప్పటికే మొదలయ్యాయి, తాజా సమాచారం ప్రకారం, పుష్ప 2 ప్రీ రిలీజ్ ఈవెంట్ జనవరి 4న రాజమండ్రిలో నిర్వహించేందుకు ఏర్పాట్లు చేస్తున్నారని సమాచారం.
వివరాలు
ఆలా అయితే.. మూవీ లవర్స్‌కు పండగే
ఈ కార్యక్రమంలో ముఖ్య అతిథిగా ఏపీ డిప్యూటీ సీఎం పవన్ కళ్యాణ్ హాజరయ్యే అవకాశం ఉందని తెలిపారు.
దీనికి సంబంధించి అధికారిక ప్రకటన త్వరలో రావచ్చని తెలుస్తోంది. ఇటీవల పవన్ కళ్యాణ్, అల్లు అర్జున్ అభిమానుల మధ్య సోషల్ మీడియా వేదికగా వివాదాలు జరుగుతుండగా, పవన్ కళ్యాణ్ గెస్టుగా వచ్చేది నిజమైతే మెగా అభిమానులతోపాటు మూవీ లవర్స్‌కు పండగే అని చెప్పాలి.
అల్లు అర్జున్ టీమ్ ఇప్పటికే పుష్ప చిత్ర షూటింగ్‌ను ముగించిందని ప్రకటించింది.
ఈ సీక్వెల్‌లో రాక్‌స్టార్ దేవి శ్రీ ప్రసాద్ సంగీతం అందించిన పాటలు ఇప్పటికే ప్రేక్షకులని అలరిస్తూ, బాక్సాఫీస్‌లో భారీ విజయం సాధిస్తున్నాయి.
పుష్ప 2లో హీరోయిన్‌గా కన్నడ భామ రష్మిక మందన్నా నటిస్తోంది.
వివరాలు
కీలక పాత్రల్లో ప్రముఖ నటులు
ఈ చిత్రంలో ఫహద్ ఫాసిల్, జగదీష్ ప్రతాప్ బండారి, జగపతిబాబు, ప్రకాశ్ రాజ్, సునీల్, అనసూయ భరద్వాజ్, రావు రమేశ్, ధనంజయ, షణ్ముఖ్, అజయ్, శ్రీతేజ్ తదితర ప్రముఖ నటులు కీలక పాత్రల్లో కనిపించనున్నారు.
మైత్రీ మూవీ మేకర్స్ నిర్మిస్తున్న ఈ చిత్రానికి రాక్‌స్టార్ దేవి శ్రీ ప్రసాద్ సంగీతం, బ్యాక్‌గ్రౌండ్ స్కోర్ అందిస్తున్నారు.