Pawan Kalyan: ఓటీటీలోకి వచ్చేస్తున్న 'బ్రో' సినిమా.. స్ట్రీమింగ్ ఎప్పుడంటే..?
ఈ వార్తాకథనం ఏంటి
పవర్ స్టార్ పవన్ కళ్యాణ్, సాయి ధరమ్ తేజ్ కాంబినేషన్లో వచ్చిన 'బ్రో' సినిమా ఓటీటీలో విడుదలకు రంగం సిద్ధమైంది. 'వినోదాయసిత్తం'కు రీమేక్ గా వచ్చిన ఈ మూవీకి సముద్రఖని దర్శకత్వం వహించారు.
ఫ్యామిలీ ఎంటర్ టైనర్ గా ఈ చిత్రం గత నెల రిలీజ్ అయి మంచి టాక్‌ను తెచ్చుకుంది.
సెప్టెంబర్ 2 పవన్ కళ్యాణ్ పుట్టినరోజు సందర్భంగా ఈ సినిమాను ఓటీటీలోకి రిలీజ్ చేయాలని తొలుత భావించారు. అయితే అంతకంటే ముందే రిలీజ్ చేయాలని తాజాగా నిర్ణయం తీసుకున్నారు.
నెట్ ప్లిక్స్ వేదికగా వచ్చే శుక్రవారం (ఆగస్టు 25) నుంచి ఈ సినిమా స్ట్రీమింగ్ కానుంది.
Details
ఆగస్టు 25న ఓటీటీలోకి 'బ్రో' మూవీ
తెలుగు నేటివిటీకి తగ్గట్లు త్రివిక్రమ్‌ ఈ సినిమాలో పలు మార్పులు చేయడంతో బ్రో సినిమా ఫస్ట్ వీకెండ్ లోనే వంద కోట్ల గ్రాస్ ను కలెక్ట్ చేసి రికార్డులను సృష్టించింది.
మరోవైపు ఈ సినిమా రాజకీయంగా పెద్ద చర్చనీయాంశమైంది. మొత్తానికైతే సినిమాలోని ఎమోషనల్ కంటెంట్ కు మెగా అభిమానులతో పాటు సినీ ప్రేక్షకులు కూడా బాగా కనెక్ట్ అయ్యారు.
ఈ సినిమా ఓటీటీలో చూడటానికి ఎదురుచూస్తున్న అభిమానులకు గుడ్ న్యూస్ అందిందని చెప్పొచ్చు.