పవన్ కళ్యాణ్, సుజీత్ కాంబో సినిమా టైటిల్ ఇదే?
ఇటీవల బ్రో సినిమాతో ప్రేక్షకుల ముందుకు వచ్చారు పవన్ కళ్యాణ్. ఈ సినిమాలో సాయి ధరమ్ తేజ్ కూడా నటించిన సంగతి తెలిసిందే. ప్రస్తుతం పవన్ కళ్యాణ్, సుజీత్ కాంబో సినిమాలో సినిమా తెరకెక్కుతోంది. ఈ సినిమాను ఓజీ అనే వర్కింగ్ టైటిల్ తో పిలుస్తున్నారు. తాజాగా ఈ సినిమాకు టైటిల్ ని కన్ఫామ్ చేసినట్లు వార్తలు వస్తున్నాయి. ఓజీ సినిమాకు దే కాల్ హిమ్ ఓజీ(They call him OG) అనే టైటిల్ ని కన్ఫామ్ చేసారని అంటున్నారు. ఈ విషయమై ఎలాంటి అధికారిక సమచారం రాలేదు. మరికొద్ది రోజుల్లో అధికారికంగా ప్రకటించే అవకాశం ఉందని వినిపిస్తోంది.
వరుస రీమేక్స్ తర్వాత వస్తున్న ఒరిజినల్ చిత్రం
గ్యాంగ్ స్టర్ డ్రామాగా రూపొందుతున్న ఈ సినిమాలో పవన్ కళ్యాణ్ కొత్తగా కనిపించనున్నారని ప్రచారాలు జరుగుతున్నాయి. వరుస రీమేక్ చిత్రాల తర్వాత వస్తున్న ఒరిజినల్ చిత్రం కాబట్టి ఈ సినిమాపై మంచి అంచనాలు ఉన్నాయి. ఈ సినిమా మ్యూజిక్ వేరే లెవెల్లో ఉంటుందని, అసలు సినిమా కథా ప్రపంచమే సరికొత్త అనుభూతిని ఇస్తుందని సంగీత దర్శకుడు థమన్ అంచనాలను పెంచేసారు. ఈ సినిమాలో బాలీవుడ్ నటుడు ఇమ్రాన్ హష్మి, తమిళ నటి శ్రియా రెడ్డి కీలక పాత్రల్లో కనిపించనున్నారు. కుదిరితే డిసెంబర్ లేదా సంక్రాంతి సందర్భంగా ఈ సినిమాను విడుదల చేయాలని ప్లాన్ జరుగుతోంది.
