Prabhas: ప్రభాస్ ఫ్యాన్స్‌కు గుడ్ న్యూస్.. పోలీస్ ఆఫీసర్‌ పాత్రలో యంగ్ రెబల్ స్టార్!
పాన్ ఇండియా హీరో యంగ్ రెబర్ స్టార్ ప్రభాస్(Prabhas) ప్రస్తుతం సలార్(Salar) సినిమాతో ప్రేక్షకుల ముందుకు రాబోతున్నాడు. ఇప్పుడు దేశానికి కాదు ప్రపంచానికి కూడా సలార్ ఫీవర్ పట్టుకుంది. ఈ సినిమా టికెట్ల కోసం ఫ్యాన్స్ పడుతున్న కష్టాలు అంత ఇంత కాదు. అన్ లైన్ బుకింగ్ వచ్చాక కూడా టికెట్లు దొరకడం లేదంటే పరిస్థితి ఎలా ఉందో అర్థం చేసుకోవచ్చు. ఆ రోజుల్లో ఎన్టీఆర్, చిరంజీవి సినిమాలు రిలీజ్ అయినప్పుడు అభిమానులు ఏ విధంగా ఎదురుచూశారో.. ప్రస్తుతం ఈ సినిమా కోసం ఫ్యాన్స్ అంతగానే వెయిట్ చేస్తున్నారు. ఈ మూవీని రెండు పార్టులుగా విడుదల చేయడానికి సన్నాహాలు చేస్తున్నారు.
యానిమల్ పార్క్ కు ముందే స్పిరిట్ మూవీ
ఇదిలా ఉండగా.. ప్రభాస్ అభిమానులకు మరో అదిరిపోయే గుడ్ న్యూస్ టీ సిరీస్ సంస్థ చెప్పింది. స్టార్ డైరక్టర్ సందీప్ రెడ్డి వంగా డైరక్షన్ లో ప్రభాస్ 'స్పిరిట్' అనే మూవీలో నటిస్తున్న విషయం తెలిసిందే. ఈ సినిమాకు సంబంధించి కీలక అప్డేట్ వచ్చింది. టి సిరీస్ భూషన్ కుమార్ స్పిరిట్ మూవీని నిర్మించనున్నారు. యానిమల్ పార్క్‌కు ముందే ఈ ప్రాజెక్టు ఉంటుందని తెలిపారు. స్పిరిట్ ఓ కాప్ స్టోరి అని అందులో ప్రభాస్ పోలీస్ ఆఫీసర్‌గా కొత్త లుక్‌లో కనిపిస్తారని గతంలో ఓ ఇంటర్వ్యూలో తెలియజేశారు. అయితే త్వరలోనే సందీప్ రెడ్డి వంగా హీరోగా రెబల్ స్టార్ ప్రభాస్ ప్రేక్షకుల ముందుకు రానున్నాడు.
