Prabhas Birthday : 'యంగ్ రెబల్ స్టార్ టు గ్లోబల్ స్టార్'గా ఎదిగిన ప్రభాస్ ప్రస్థానమిదే!
యంగ్ రెబల్ స్టార్ ప్రభాస్ గురించి ప్రత్యేకంగా గురించి చెప్పనక్కర్లేదు. ఈ పేరు తెలియని వాళ్లు భారతదేశంలో లేరంటే అతిశయోక్తి కాదు. ఈశ్వర్ సినిమాతో తెలుగు ఇండ్రస్టీలోకి అడుగుపెట్టిన ప్రభాస్, ఆ తర్వాత రాఘవేంద్ర, వర్షం, అడవిరాముడు, చక్రం, ఛత్రపతి, పౌర్ణమి, యోగి, మున్నా, బుజ్జిగాడు, బిల్లా, ఎక్‌నిరంజన్, డార్లింగ్, మిస్టర్ పర్‌ఫెక్ట్, మిర్చి వంటి సూపర్ డూపర్ హిట్టు చిత్రాల్లో నటించాడు. తర్వాత బహుబలి సినిమాతో ప్రపంచ వ్యాప్తంగా గుర్తింపు తెచ్చుకొని గ్లోబల్ స్టార్‌గా ఎదిగాడు. నేడు డార్లింగ్ కు 44ఏళ్లు పూర్తి అవుతున్న సందర్భంగా ఆయన సినిమాల గురించి తెలుసుకుందాం.. బాహుబలి తరువాత రెండేళ్ల గ్యాప్ తర్వాత సాహో చిత్రంతో ప్రేక్షకుల ముందుకొచ్చిన ఆ సినిమా అనుకున్న స్థాయిలో ఆడలేదు.
కన్నప్ప సినిమాలో శివుడి పాత్రలో కనిపించనున్న ప్రభాస్
ఇక ఆదిపురుష్ సినిమాతో ప్రభాస్ శ్రీరామచంద్రుడిగా కనిపించాడు. ఆ సినిమా కూడా ప్లాప్ కావడంతో తీవ్ర నిరాశలో కూరుకుపోయాడు. సినిమాలు పెద్దగా ఆడకపోయినా ఆయనకు ఉన్న క్రేజ్ మాత్రం ఏ మాత్రం తగ్గట్లేదు. ప్రభాస్ కెరియర్ తొలినాళ్లలో కేవలం 5 కోట్ల బడ్జెట్‌తో సినిమాలు తెరకెక్కగా, ప్రస్తుతం ఆయన రేంజ్ 1500 కోట్లకు చేరుకుంది. మంచు విష్ణు హీరోగా వస్తున్న కన్నప్ప మూవీలో ప్రభాస్ శివుడు పాత్రలో కనిపించనున్నాడు. దీనికి సంబంధించిన అధికారక ప్రకటన కూడా మంచి విష్ణు ఇచ్చేశాడు. పురాణా, సాంఘీక, జానపద, ఫిక్షన్ ఇలా చెప్పుకుంటూ పోతే ఏ పాత్రలోనైనా ప్రభాస్ అద్భుత నటనతో ఆకట్టుకుంటున్నాడు. దీంతో ప్రభాస్ ఫ్యాన్స్ ఖుషీ అవుతున్నారు.
ఈశ్వర్ సినిమాతో ఎంట్రీ
నిర్మాతగా ఉన్న తండ్రి సూర్య నారాయణ రాజు, హీరోగా చేసిన పెద్దనాన్న కృష్ణం రాజు తర్వాత వారసుడిగా 'ఈశ్వర్' సినిమాతో ప్రభాస్ సినీ పరిశ్రమలో అడుగుపెట్టాడు. 21 ఏళ్ల పాటు ఇండ్రస్టీలో కష్టపడి రెబల్ స్టార్ నుండి పాన్ ఇండియా స్టార్ స్థాయిని దాటి అంతర్జాతీయ అభిమానులని గెలుచుకున్నాడు. ప్రస్తుతం ప్రభాస్ సినిమా కోసం టాలీవుడ్, బాలీవుడ్‌లోనే కాక ప్రపంచ వ్యాప్తంగా అభిమానులు ఎదురుచూస్తున్నారు
సోషల్ మీడియాలో వెల్లువెత్తుతున్న విషెస్
వరుస సినిమాలతో ప్రభాస్ బీజీ ప్రభాస్ హీరోగా ప్రశాంత్ నీల్ దర్శకత్వంలో సలార్ మూవీ వస్తున్న విషయం తెలిసిందే. ఈ మూవీ రెండు పార్టులుగా రాబోతోంది. డిసెంబర్ 22వ తేదీని పార్ట్1 రిలీజ్ కానుంది. ఇక నాగ్అశ్విన్ దర్శకత్వంలో Kalki 2898 ఏడీ అనే సినిమా చేస్తున్నాడు. మరోవైపు తమిళ దర్శకుడు లోకేష్ కనగరాజ్ అదిరిపోయే న్యూస్ చెప్పాడు. ఆయన తర్వాతి సినిమా కోసం పాన్ ఇండియా స్టార్ ప్రభాస్ తో చేయనున్నట్లు తెలుస్తోంది. ఇది కాక అర్జున్ రెడ్డి దర్శకుడు సందీప్ రెడ్డి వంగతో, దర్శకుడు మారుతితో కూడా ప్రభాస్ సినిమాలను తీయబోతున్నాడు. ప్రభాస్ బర్త్ డే సందర్భంగా సినీ స్టార్స్ తో పాటు పలువురు ప్రముఖులు శుభాకాంక్షలు చెబుతున్నారు.
