Sreeleela: పుష్ప 2 ఐటెం సాంగ్ నుంచి బాలీవుడ్ హీరోయిన్ తప్పుకోవడానికి కారణమిదే.. ఆఖర్లో శ్రీలీలకు గోల్డెన్ ఛాన్స్
ఈ వార్తాకథనం ఏంటి
పుష్ప సీక్వెల్ 'పుష్ప: ది రూల్' సినిమాలో ఐటెం సాంగ్ కోసం మొదట శ్రీలీలను కాదని బాలీవుడ్ క్రేజీ హీరోయిన్‌ను ఎంచుకోవాలని చిత్ర యూనిట్ భావించింది.
అయితే ఆ హీరోయిన్‌తో చిత్ర బృందం చర్చలు కూడా జరిపింది. ఇక అనూహ్య పరిణామాలతో చివరికి శ్రీలీల ఐటెం సాంగ్ అవకాం దక్కింది.
డిసెంబరు 5న ఈ సినిమా ప్రపంచవ్యాప్తంగా విడుదల కానుంది. 2021లో విడుదలైన 'పుష్ప ది రైజ్'లో సమంత చేసిన ఐటెం సాంగ్ 'ఊ అంటా.. ఊఊ అంటావా' సాంగ్ దేశవ్యాప్తంగా భారీ సక్సెస్‌ను అందుకుంది.
దీని ప్రభావంతో 'పుష్ప 2' కోసం సుకుమార్ హిందీ మార్కెట్లో బజ్ పెంచడానికి బాలీవుడ్ హీరోయిన్‌ను ఐటెం సాంగ్ కోసం ఎంచుకోవాలని భావించాడు.
Details
శ్రీలీలకు రూ.1.5 కోట్లు
ఐటెం సాంగ్ కోసం బాలీవుడ్ నుంచి ప్రముఖ హీరోయిన్ శ్రద్ధా కపూర్ పేరుని పరిశీలించి చిత్ర యూనిట్ ఫైనల్ చేసింది.
'స్త్రీ 2' విజయంతో బిజీగా ఉన్న శ్రద్ధకు మంచి ఫాలోయింగ్ ఉంది. అయితే రెమ్యూనరేషన్ విషయంలో సక్రమంగా ఒప్పందం జరగకపోవడంతో ఆమె ప్రాజెక్ట్ నుండి వైదొలిగిందని తెలుస్తోంది.
ఈ సమయంలో హీరో అల్లు అర్జున్, శ్రీలీల పేరును ప్రతిపాదించారు. ఈ ఐటెం సాంగ్ కోసం శ్రీలీలకి రూ.1.5 కోట్లు తీసుకున్నట్లు తెలుస్తోంది.
ఆహా యాడ్ కోసం ఇప్పటికే అల్లు అర్జున్‌తో కలిసి శ్రీలీల డ్యాన్స్ చేసిన విషయం తెలిసిందే.