Pushpa Jagadish: చిక్కుల్లో పడ్డ 'పుష్ప' జగదీశ్..జూనియర్ ఆర్టిస్టు మృతి కేసులో అరెస్ట్
ఈ వార్తాకథనం ఏంటి
టాలీవుడ్ ఐకాన్ స్టార్ అల్లు అర్జున్ 'పుష్ప' సినిమాలో సహాయ నటుడి పాత్ర పోషించిన జగదీశ్ (కేశవ) చిక్కుల్లో పడ్డారు.
ఈ మేరకు హైదరాబాద్ పోలీసులు అతనిపై కేసు నమోదు చేశారు. ఈ క్రమంలోనే పంజాగుట్ట పోలీస్‌ స్టేషన్‌లో కేసు నమోదైంది.
ఓ జూనియర్ ఆర్టిస్టు మరో వ్యక్తితో కలిసి ఉన్నప్పుడు జగదీశ్ ఫొటోలు తీశాడు. ఇదే సమయంలో సదరు జూనియర్ ఆర్టిస్టును లొంగదీసుకునేందుకు వాటిని సోషల్‌ మీడియాలో పోస్ట్ చేస్తానని బ్లాక్ మెయిల్ చేశాడు.
ఈ క్రమంలోనే తనపై తీవ్ర బెదిరింపులు, వేధింపులకు పాల్పడిన జగదీశ్‌ను పంజాగుట్ట పోలీసులు బుధవారం అరెస్ట్ చేశారు. అనంతరం కోర్టులో హాజరుపర్చారు.
details
పరారీలో ఉన్న జగదీశ్ అరెస్ట్
జగదీశ్ వేధింపులతో పంజాగుట్ట పరిధిలో నివాసం ఉంటున్న ఓ మహిళ (జూనియర్ అర్టిస్టు) గత నెల 29న ఉరేసుకుని ఆత్మహత్య చేసుకుంది.
ఈ ఘటనపై కేసు నమోదు చేసుకున్న పోలీసులు దర్యాప్తు చేపట్టారు. ఈ నేపథ్యంలోనే మహిళ ఆత్మహత్యకు గల కారణాలను ఆరా తీశారు.
గత నెల 27న ఓ వ్యక్తితో మృతురాలు ఉన్న సమయంలో ఆమెకు తెలియకుండా జగదీశ్ ఫొటోలు తీశాడు.
తర్వాత ఆమెను బెదిరింపులకు గురిచేశాడు. దీంతో మనస్తాపానికి గురైన ఆమె ఉరేసుకొని బలవన్మరణానికి పాల్పడింది.
ఈ కేసులో అప్పట్నుంచి తప్పించుకుని పరారీలో ఉన్న బండారు జగదీశ్‌ను సిటీ పోలీసులు అరెస్ట్ చేసి రిమాండ్‌కు తరలించారు.
బాధిత మహిళతో జగదీశ్‌కు గతంలో సినీరంగంలో పరిచయం ఉందని పంజాగుట్ట పోలీసులు తెలిపారు.