ఆస్కార్ అవార్డ్స్: ఆ జాబితాలో టాప్ లో నిలిచిన ఎన్టీఆర్, రామ్ చరణ్
ఈ వార్తాకథనం ఏంటి
ఆర్ఆర్ఆర్ సినిమాలోని నాటు నాటు పాటకు ఆస్కార్ రావడం అందరికీ ఆనందంగా ఉంది. తెలుగు పాటకు విశ్వ వేదిక మీద దక్కిన గౌరవానికి తెలుగు ప్రజలందరూ సంతోషంలో ఉన్నారు.
నాటు నాటు పాటకు మాత్రమే కాదు, డాక్యుమెంటరీ షార్ట్, ది ఎలిఫెంట్ విష్పరర్స్ లఘుచిత్రానికి కూడా ఆస్కార్ అందింది. ఒకే సంవత్సరం రెండు ఆస్కార్ లు భారతదేశానికి రావడం భారతీయులు గర్వకారణంగా భావిస్తున్నారు.
అదలా ఉంచితే, ఆర్ఆర్ఆర్ రెడ్ కార్పెట్ మీద ఆర్ఆర్ఆర్ హీరోల హవాకు నెటిజన్లు అందరూ ఫిదా అయ్యారు. పులిబొమ్మ డిజైన్ డ్రెస్ తో ఎన్టీఆర్ తళుక్కున మెరవగా, సతీమణి ఉపాసనతో రెడ్ కార్పెట్ మీద నడిచాడు రామ్ చరణ్.
ఆస్కార్ అవార్డ్స్
సోషల్ మీడియా మెన్షన్ లో టాప్ లో నిలిచిన ఎన్టీఆర్
ఆస్కార్స్ వేడుకలో ఆర్ఆర్ఆర్ హీరోలు అందరినీ అలరించారు. ఈ నేపథ్యంలో సోషల్ మీడియాలో వారిని మెన్షన్ చేస్తూ పోస్టులు వచ్చాయి. 95వ ఆస్కార్ అవార్డ్ కార్యక్రమంలో ఎక్కువ మెన్షన్స్ పొందిన సెలెబ్రిటీల జాబితాలో ఎన్టీఆర్ మొదటిస్థానంలో నిలిచారు.
ఆ తర్వాతి స్థానంలో రామ్ చరణ్ ఉన్నారు. ఉత్తమ సహాయ నటుడుగా అవార్డు అందుకున్న కే యూ క్వాన్ మూడవ స్థానంలో నిలవగా, ఉత్తమ నటుడుగా అవార్డ్ అందుకున్న బ్రెండన్ ఫ్రేజర్ నాలుగవ స్థానంలో, పెడ్రో పాస్కల్ 5వ స్థానంలో నిలిచారు.
మొత్తానికి ఆర్ఆర్ఆర్ హీరోలు టాప్ లో నిలిచారు.
గత కొన్ని రోజుల నుండి ఎన్టీఆర్, రామ్ చరణ్ లకు హాలీవుడ్ లో మంచి గౌరవం దక్కుతోన్న సంగతి అందరికీ తెలిసిందే.