Ram Pothineni: దర్శకుడిగా కొత్త అవతారం ఎత్తిన రామ్ పోతినేని..బర్త్డే రోజున ఫ్యాన్స్కు డబుల్ ట్రీట్
ఈ వార్తాకథనం ఏంటి
టాలీవుడ్లో ఎనర్జిటిక్ స్టార్గా గుర్తింపు పొందిన రామ్ పోతినేని, తన పుట్టినరోజు సందర్భంగా అభిమానులకు ప్రత్యేకమైన గిఫ్ట్ ఇచ్చారు. ఇప్పటివరకు హీరోగా ప్రేక్షకులను అలరించిన ఆయన, ఇకపై దర్శకుడిగానూ కొత్త ప్రయాణాన్ని ప్రారంభించనున్నట్లు అధికారికంగా వెల్లడించారు. తన కెరీర్లో 23వ సినిమాతో దర్శకుడిగా మారబోతున్నట్టు ప్రకటించడంతో సినీ వర్గాల్లో ఆసక్తి నెలకొంది.
వివరాలు
'వీర' అనే శక్తివంతమైన పాత్రలో రామ్..
ఈ చిత్రం సైకలాజికల్ యాక్షన్ థ్రిల్లర్ నేపథ్యంతో రూపొందనుందని సమాచారం. ఇందులో రామ్ 'వీర' అనే శక్తివంతమైన పాత్రలో కనిపించనున్నారు. 'ది స్టోరీ ఆఫ్ ఏ లోన్ వోల్ఫ్' అనే ట్యాగ్లైన్తో విడుదలైన ఫస్ట్ లుక్ పోస్టర్ ప్రేక్షకుల్లో సినిమాపై మరింత ఆసక్తిని పెంచింది. పోస్టర్ను పరిశీలిస్తే, రామ్ ఈ సినిమాలో గాఢమైన భావోద్వేగాలు కలిగిన పాత్రలో నటించనున్నట్లు అర్థమవుతోంది. ఇక ఈ ప్రాజెక్ట్ కోసం రామ్ మరో ముఖ్యమైన నిర్ణయం కూడా తీసుకున్నారు.
వివరాలు
రాపో సినిమాటిక్స్..బ్యానర్ స్టార్ట్
తమ కుటుంబ నిర్మాణ సంస్థ 'స్రవంతి మూవీస్' ఉన్నప్పటికీ, ప్రత్యేకంగా 'రాపో సినిమాటిక్స్' (RAPO Cinematics) పేరుతో కొత్త ప్రొడక్షన్ హౌస్ను ప్రారంభించారు. ఈ బ్యానర్పై రామ్ సోదరుడు కృష్ణ పోతినేని చిత్రాన్ని నిర్మించనున్నారు. దర్శకుడిగా తన కొత్త ప్రయాణంపై స్పందించిన రామ్.. "ఇప్పటివరకు ఇతరుల కథల్లో నా ముఖాన్ని చూశారు.. ఇక ఈ కథలో నా స్వరాన్ని వినబోతున్నారు" అంటూ సోషల్ మీడియాలో ఆసక్తికరమైన సందేశాన్ని పంచుకున్నారు. భారీ అంచనాల నడుమ తెరకెక్కనున్న ఈ చిత్రం 2026 డిసెంబర్లో ప్రపంచవ్యాప్తంగా ప్రేక్షకుల ముందుకు రానుంది.
ట్విట్టర్ పోస్ట్ చేయండి
నెట్టింట వైరల్ అవుతున్న రామ్ పోస్ట్ ఇదే..
An exciting journey begins with all your love & blessings. 🖤
— RAm POthineni (@ramsayz) May 15, 2026
Introducing "𝙑𝙀𝙀𝙍𝘼" in #RAPO23 🔥
-the story of a Lone Wolf. 🐺
Genre: Psychological Action Thriller.
Written & Directed by #𝙍𝘼𝙋𝙊
Produced by Krishna Pothineni
A @RAPO_Cinematics Production.
December 2026… pic.twitter.com/m9dkC0XMb7