సెప్టిమస్ అవార్డ్స్: ఉత్తమ నటి విభాగం నామినేషన్లలో రష్మిక మందన్న
ఈ వార్తాకథనం ఏంటి
నేషనల్ క్రష్ రష్మిక మందన్న ఛలో సినిమాతో తెలుగు ఇండస్ట్రీలోకి అడుగు పెట్టింది. ఆ తర్వాత గీత గోవిందం సినిమాతో తిరుగులేని క్రేజ్ తెచ్చుకుంది.
ఇక పుష్ప సినిమాతో పాన్ ఇండియా లెవెల్ లో నేషనల్ క్రష్ గా మారిపోయింది.
జాతీయస్థాయిలో పుష్ప సినిమాతో గుర్తింపు తెచ్చుకున్న రష్మిక మందన్న, తాజాగా ఇంటర్నేషనల్ అవార్డ్స్ నామినేషన్లలో చోటు దక్కించుకుంది.
నెదర్లాండ్స్ కి చెందిన సెప్టిమస్ అవార్డ్స్ నామినేషన్లలో బెస్ట్ ఆసియన్ యాక్ట్రెస్ విభాగంలో రష్మిక మందన్న స్థానం దక్కించుకుంది. ఈ విభాగంలో రష్మికతో పాటు బాలీవుడ్ నటి నమితా లాల్ కూడా నిలిచింది.
Details
నామినేషన్లలో నిలిచిన 2018 సినిమా
ఈ అవార్డ్స్ లో భారతదేశం నుండి చాలా చిత్రాలు నామినేషన్లలో నిలిచాయి. బెస్ట్ ఆసియన్ ఫిలిమ్స్ విభాగంలో మలయాళం సినిమా అయిన 2018 నామినేషన్లలో ఉంది.
బెస్ట్ ఆసియన్ యాక్టర్ విభాగంలో మలయాళం హీరో టోవినో థామస్, ఇంకా బాలీవుడ్ యాక్టర్ భువన్ భమ్ ఉన్నారు. సెప్టిమస్ అవార్డుల ప్రధానోత్సవం సెప్టెంబర్ 26వ తేదీన ఉండనుందని సమాచారం.
మరి నామినేషన్లలో నిలిచిన మన భారతీయుల్లో ఎవరెవరు పురస్కారాలు గెలుచుకుంటారో చూడాలి.