శ్రీలీలకు బదులుగా రష్మిక.. ముచ్చటగా మూడోసారి కనునవిందు చేయనున్న యువ జంట
ఈ వార్తాకథనం ఏంటి
టాలీవుడ్ రౌడీ హీరో విజయ్ దేవరకొండ 12వ సినిమాపై అంచనాలు భారీగా నెలకొన్నాయి.
ఈ సినిమాలో శ్రీలీల కథానాయికగా ఎంపిక చేశారు. అయితే ఈ చిత్ర పూజా కార్యక్రమం సైతం పూర్తైంది. ఈ మేరకు షూటింగ్ మొదలైనట్లు తెలుస్తోంది.
ఈ ప్రాజెక్ట్ నుంచి శ్రీలీల వైదొలిగినట్లు ఇండస్ట్రీలో టాక్ నడుస్తోంది.టాలీవుడ్ పరిశ్రమలో ప్రస్తుతం మోస్ట్ బిజీ హీరోయిన్ గా శ్రీలీల పేరు గాంచింది. చేతిలో దాదాపుగా 10 చిత్రాలున్నాయి. ఈ నేపథ్యంలోనే డేట్లు సర్దుబాటు కాక VD 12వ సినిమా నుంచి తప్పుకున్నట్లు సమాచారం.
మరోవైపు శ్రీలీల, లేదా చిత్ర యూనిట్ నుంచి ఈ మేరకు అధికారిక సమాచారం రాలేదు.ఈ నేపథ్యంలోనే తాజాగా VD 12 గురించి మరో అప్ డేట్ వినిపిస్తోంది.
details
ఇప్పటికే గీత గోవిందం, డియర్ కామ్రేడ్ లో నటించిన యువ జంట
శ్రీలీలకు బదులుగా రష్మికని ఎంపిక చేసినట్లు ఇండస్ట్రీలో వార్త చక్కర్లు కొడుతోంది. విజయ్-రష్మిక ఇప్పటికే గీత గోవిందం, డియర్ కామ్రేడ్ సినిమాల్లో నటించారు.
మరోవైపు విజయ్, రష్మికలు మంచి మిత్రులుగా ఇప్పటికే పలు చిత్ర పరిశ్రమల్లో ముద్రపడ్డారు. అంతేకాకుండా వీరి మధ్య సమ్ థింగ్ స్పెషల్ అని, అది కాస్తా ప్రేమగా మారిందని వార్తలు గుప్పుమంటున్నాయి.
అయితే పలు సందర్భాల్లో దీనిపై స్పందించిన ఈ యువ హీరో హిరోయిన్లు తాము మంచి స్నేహితులమని చెప్పుకొచ్చారు.
విజయ్- రష్మిక జోడికి అభిమానులు సైతం ఉన్నారంటే అది వీరి కాంబోకి ఉన్న కెమిస్ట్రీ వల్లేనని అందరికీ తెలిసిందే. శ్రీలీల బదులుగా రష్మి నటిస్తే ముచ్చటగా మూడోసారి ప్రేక్షకులని మెప్పించనున్నారు. ఈ మేరకు ప్రేక్షకులు, అభిమానులు ఉవ్విళ్లూరుతున్నారు.