Suriya: సూర్య-మమిత కెమిస్ట్రీతో మెప్పిస్తున్న 'నేనో బటర్ ఫ్లై'
ఈ వార్తాకథనం ఏంటి
విలక్షణ నటుడు సూర్య ప్రధాన పాత్రలో నటిస్తున్న 'విశ్వనాథ్ అండ్ సన్స్' సినిమా ప్రచార కార్యక్రమాలు జోరందుకున్నాయి. ఈ ప్రమోషన్స్లో భాగంగా చిత్రబృందం శుక్రవారం తొలి పాటను ప్రేక్షకుల ముందుకు తీసుకొచ్చింది. తమిళంలో 'పట్టాంపూచి', తెలుగులో 'నేనో బటర్ ఫ్లై' పేరుతో విడుదలైన ఈ రొమాంటిక్ మెలోడీకి సంగీతాభిమానుల నుంచి మంచి ఆదరణ లభిస్తోంది. ఈ పాటకు జీవీ ప్రకాశ్ కుమార్ స్వరాలు సమకూర్చగా, గాయని సుబ్లాషిణి తన గాత్రంతో ఆకట్టుకున్నారు.
వివరాలు
పిస్టల్ షూటర్గా సూర్య..
హీరో సూర్య, కథానాయిక మమిత బైజుల మధ్య ప్రేమ భావాలను ప్రతిబింబించేలా ఈ గీతాన్ని రూపొందించారు. ఆదిత్య మ్యూజిక్ ద్వారా విడుదలైన లిరికల్ వీడియోలో సీతాకోకచిలుక నేపథ్య విజువల్స్ ప్రత్యేక ఆకర్షణగా నిలిచాయి. ప్రస్తుతం ఈ పాట సోషల్ మీడియా వేదికలతో పాటు యూట్యూబ్లో కూడా ట్రెండింగ్లో కొనసాగుతోంది. వెంకీ అట్లూరి దర్శకత్వంలో రూపొందుతున్న ఈ చిత్రంలో సూర్య 40 ఏళ్ల అంతర్జాతీయ పిస్టల్ షూటర్ సంజయ్ విశ్వనాథ్ పాత్రలో కనిపించనున్నారు.
వివరాలు
ఆగస్టు 14న విడుదలకు సిద్ధం..
కుటుంబ భావోద్వేగాలను ప్రధానంగా తీసుకుని తెరకెక్కుతున్న ఈ సినిమాలో రాధికా శరత్కుమార్, రవీనా టాండన్ కీలక పాత్రల్లో నటిస్తున్నారు. సితార ఎంటర్టైన్మెంట్స్ నిర్మిస్తున్న ఈ చిత్రానికి సంబంధించిన డిజిటల్ స్ట్రీమింగ్ హక్కులను నెట్ఫ్లిక్స్ సొంతం చేసుకుంది. స్వాతంత్ర్య దినోత్సవాన్ని పురస్కరించుకుని ఈ ఏడాది ఆగస్టు 14న ప్రపంచవ్యాప్తంగా ఈ సినిమాను విడుదల చేయాలని చిత్రబృందం సన్నాహాలు చేస్తోంది.