విరూపాక్ష ఓటీటీ రిలీజ్ పై క్లారిటీ: అన్ని భాషల్లోనూ అదే రోజు విడుదల
ఈ వార్తాకథనం ఏంటి
సాయి ధరమ్ తేజ్ తన కెరీర్లోనే మొట్ట మొదటి సారిగా విభిన్నమైన జోనర్లో విరూపాక్ష సినిమాతో ప్రేక్షకుల ముందుకు వచ్చాడు.
సూపర్ నేచురల్ థ్రిల్లర్ గా రూపొందిన ఈ సినిమాకు కలెక్షన్ల వర్షం కురుస్తోంది. 90కోట్లకు పైగా వసూళ్ళు సాధించి, సాయి ధరమ్ తేజ్ కెరీర్లో అత్యధిక వసూళ్ళు రాబట్టిన చిత్రంగా నిలిచింది.
ప్రస్తుతం ఈ సినిమా ఓటీటీ రిలీజ్ పై అప్డేట్ వచ్చింది. మే 21వ తేదీ నుండి నెట్ ఫ్లిక్స్ లో ఈ సినిమా అందుబాటులో ఉంటుందని తెలుస్తోంది.
తెలుగు సహా తమిళం, హిందీ, కన్నడ, మళయాలం భాషల్లో స్ట్రీమింక్ కానున్నట్లు సమాచారం.
ఇటీవల మే 5వ తేదీన హిందీ, తమిళం, మళయాలం భాషల్లో థియేట్రికల్ రిలీజ్ జరుపుకుంది విరూపాక్ష.
Details
కన్నడలో మే 12న రిలీజ్ కానున్న విరూపాక్ష
హిందీలో విరూపాక్ష సినిమాకు మంచి వసూళ్ళు వస్తున్నాయి. తమిళం, మళయలంలోనూ పాజిటివ్ రివ్యూస్ ఇస్తున్నారు. విరూపాక్ష కన్నడ వెర్షన్ మే 12వ తేదీన రిలీజ్ కానుంది.
రుద్రవనం అనే ఊరిలో జరుగుతున్న వరుస మరణాల వెనుక రహస్యాలను కనుక్కునే యువకుడి పాత్రలో సాయి ధరమ్ తేజ్ కనిపించాడు. పవర్ ఫుల్ లేడీ క్యారెక్టర్ లో సంయుక్తా మీనన్ కనిపించింది.
మిగతా పాత్రల్లో సాయి చంద్, బ్రహ్మాజీ, అభినవ్ గొమఠం, రవికృష్ణ, సోనియా సింగ్ తదితరులు కనిపించారు.
కార్తీక్ దండు దర్శకత్వం వహించిన ఈ సినిమాకు స్క్రీన్ ప్లే సమకూర్చాడు సుకుమార్. శ్రీ వెంకటేశ్వర సినీ చిత్ర, సుకుమార్ రైటింగ్స్ బ్యానర్లు సంయుక్తంగా నిర్మించిన ఈ సినిమాను బీవీఎస్ఎస్ ప్రసాద్ నిర్మించారు.