Samantha: సినీ నటి సమంత కుటుంబంలో విషాదం
టాలీవుడ్ స్టార్‌ హీరోయిన్‌ సమంత తండ్రి జోసెఫ్ ప్రభు కొంత సమయం క్రితం కన్నుమూశారు. ఈ శోకసమాచారం సమంతా తన ఇన్‌స్టాగ్రామ్ స్టోరీస్‌లో పంచుకున్నారు. "మనం మళ్లీ కలిసే వరకు, నాన్న" అనే వాక్యం, హార్ట్ బ్రేకింగ్ ఎమోజీతో ఆమె ఈ విషాదకర సంఘటనను తెలియజేసారు. సమంతా చెన్నైలో జోసెఫ్ ప్రభు, నినెట్ ప్రభు దంపతుల కుమార్తె. తెలుగు ఆంగ్ల-ఇండియన్ అయిన జోసెఫ్ ప్రభు, సమంతా జీవితంలో ఎంతో కీలకమైన వ్యక్తిగా ఉన్నారు. ఆమె ఎదుగుదలలో, జీవిత ప్రయాణంలో ఆయన మద్దతు ఎంతో ప్రభావితం చేసింది. జోసెఫ్ ప్రభు మరణ వార్తతో అభిమానులు,శ్రేయోభిలాషులు ఆమెకు ప్రగాఢ సానుభూతి వ్యక్తం చేస్తున్నారు.
అయన మృతికి అనారోగ్య సమస్యలే కారణం
సమంతా ఇటీవల తండ్రితో ఉన్న తన అనుబంధం గురించి ఓపెన్‌గా వెల్లడించారు. ఆమె జీవితం, విలువలు, నిర్ణయాలు ఎలా ప్రభావితమయ్యాయో గలట్టా ఇండియాతో జరిగిన ఇంటర్వ్యూలో వివరించారు. "ప్రతీ నిర్ణయంలో నా నాన్న మాతో ఉండేవారు" అని ఆమె చెప్పుకొచ్చారు. 2021 అక్టోబరులో, సమంతా తన భర్త నాగ చైతన్యతో విడాకులు తీసుకున్న కొద్ది నెలల తరువాత, ఆమె తండ్రి జోసెఫ్ ప్రభు ఫేస్‌బుక్‌లో వారి పెళ్లి ఫోటోలను పంచుకున్నారు. "గతాన్ని అంగీకరించడానికి చాలా సమయం పట్టింది" అని ఆయన పేర్కొన్నారు. అలాగే కొత్త అధ్యాయాన్ని ప్రారంభించడానికి ఆశాభావం వ్యక్తం చేశారు. సమంతా తండ్రి మరణానికి అనారోగ్య సమస్యలు కారణం అని తెలిసింది.
