Samantha: సమంత కొత్త జర్నీ ప్రారంభం.. సోషల్ మీడియా వేదికగా ప్రకటన!
ప్రముఖ నటి సమంత(Samantha) కొత్త జర్నీని ప్రారంభించారు. తాను సినీ నిర్మాణంలోకి అడుగుపెడుతున్నట్లు సోషల్ మీడియా వేదికగా 'ట్రావాలా మూవింగ్ పిక్చర్స్'(Travala Moving Pictures) పేరిట కొత్త ప్రొడక్షన్ హౌస్ మొదలు పెట్టినట్లు ఆమె తెలిపారు. ఈ మేరకు ఆమె బ్యానర్ లోగోను, మోషన్ పోస్టర్ ను కూడా షేర్ చేసింది. తనకు బాగా ఇష్టమైన సాంగ్ (బ్రౌన్ గర్ల్ ఈజ్ ఇన్ ది రింగ్ నౌ' అనే పాట స్ఫూర్తితో ట్రాలాలా అని పేరు పెట్టానని స్పష్టం చేసింది. వాస్తవికతతో కూడిన అర్థవంతమైన కథలు చెప్పగలిగే ప్రతిభావంతులైన కొత్త దర్శకులను తన నిర్మాణ సంస్థ ద్వారా ప్రోత్సహించనున్నట్లు పేర్కొన్నారు.
సంతోషం వ్యక్తం చేస్తున్న సమంత ఫ్యాన్స్
ఇక సినిమాలు నిర్మించే విషయంలో హైదరాబాద్ కు చెందిన ఎంటర్‌టైన్‌మెంట్ కంపెనీ 'మండోవా మీడియా వర్క్స్'తో సమంతం ఒప్పందం కుదుర్చుకుంది. సమంత ప్రొడక్షన్ బిజినెస్ లోకి రావడంతో ఆమె ఫ్యాన్స్ సంతోషం వ్యక్తం చేస్తున్నారు. సమంతకు పెద్ద ఎత్తున్న కాంగ్రాట్స్ చెబుతూ సోషల్ మీడియాలో కామెంట్స్ పెడుతున్నారు. ఖుషి, సిటాడెల్ సినిమాల తర్వాత ఏడాదిపాటు సినిమాలకు సమంత బ్రేక్ ఇచ్చిన విషయం తెలిసిందే.
